абярну́ць, абярну́, абе́рнеш, абе́рне; абярні́; абе́рнуты; зак., што.
1. Паваліць на бок, перакуліць; разліць што-н., перакуліўшы пасудзіну.
А. воз са снапамі.
А. збан з малаком.
2. Павярнуць назад, убок.
А. твар да суседа.
3. Накіраваць, пусціць у абарот.
А. капітал.
4. Ператварыць, змяніць, перавесці адну якасць у другую.
А. здарэнне ў жарт.
5. кім-чым або ў каго-што. У казках і павер’ях: ператварыць у каго-, што-н. пры дапамозе чараў.
А. у воўка.
А. у камень.
6. Схіліць да чаго-н.
А. у сваю веру.
7. Прыдаць іншы кірунак, змяніць (пра ход якой-н. справы, пра абставіны).
А. справу на сваю карысць.
|| незак. абаро́чваць, -аю, -аеш, -ае.
абярэ́мак, -мка, мн. -мкі, -мкаў, м.
Ноша ўтакім памеры (аб’ёме), якую можна ўзяць, панесці, абхапіўшы рукамі; ахапак, бярэмя.
Цягалі сена віламі і абярэмкамі.
Схапіць у а. (абхапіўшы рукамі). А. дроў.
А. саломы.
абяско́лерыцца, -руся, -рышся, -рыцца; зак.
1. Стаць бясколерным, менш яркім па афарбоўцы.
Тканіна абясколерылася.
2. перан. Страціць яркія індывідуальныя асаблівасці, стаць невыразным.
|| незак. абяско́лервацца, -аюся, -аешся, -аецца.
абяско́лерыць, -ру, -рыш, -рыць; -раны; зак.
1. што. Зрабіць бясколерным, зменшыць яркасць афарбоўкі.
А. тканіну.
2. перан., каго-што. Пазбавіць яркіх індывідуальных асаблівасцей, зрабіць невыразным.
|| незак. абяско́лерваць, -аю, -аеш, -ае.
|| наз. абяско́лерванне, -я, н. і абяско́леранне, -я, н.
абяскро́вець, -ею, -ееш, -ее; зак.
Страціць многа крыві.
|| наз. абяскро́ўленне, -я, н.
абяскро́віць, -ро́ўлю, -ро́віш, -ро́віць; -ро́ўлены; зак., каго-што.
1. Выпусціць усю кроў або многа крыві.
2. перан. Зрабіць бяссільным, нежыццяздольным.
А. варожую армію.
3. Пазбавіць выразнасці, яркасці.
А. вобраз гераіні.
|| незак. абяскро́ўліваць, -аю, -аеш, -ае.
|| наз. абяскро́ўліванне, -я, н.
абяскры́ліць, -лю, -ліш, -ліць; -лены; зак., каго-што.
1. Адарваць, адрэзаць крылы, пазбавіць магчымасці лятаць.
2. перан. Пазбавіць творчых сіл, натхнення.
А. дух паэта.
|| незак. абяскры́льваць, -аю, -аеш, -ае.
абяспа́мяцець, -ею, -ееш, -ее; зак. (разм.).
Страціць памяць.
Абяспамяцеў пад старасць.
абяспло́дзець, 1 і 2 ас. не ўжыв., -дзее; зак.
Стаць бясплодным.
абяспло́дзіць, -джу, -дзіш, -дзіць; -джаны; зак., каго-што.
Зрабіць бясплодным.
А. глебу.
|| незак. абяспло́джваць, -аю, -аеш, -ае.
|| наз. абяспло́джванне, -я, н.