абмаўля́цца гл. абмовіцца.
абмахну́ць, -ну́, -не́ш, -не́; -нём, -няце́, -ну́ць; -ні́; -ну́ты; зак., каго-што.
1. Махаючы чым-н., абдаць струменем паветра (звычайна для ахаладжэння).
2. Ачысціць, змахнуць што-н., махнуўшы чым-н., скінуць.
А. пыл з паліцы.
А. стол.
|| незак. абма́хваць, -аю, -аеш, -ае.
|| звар. абмахну́цца, -ну́ся, -не́шся, -не́цца; -нёмся, -няце́ся, -ну́цца; -ні́ся; незак. абма́хвацца, -аюся, -аешся, -аецца.
абма́цаць, -аю, -аеш, -ае; -аны; зак., каго-што.
1. Памацаць з усіх бакоў з мэтай агляду; уважліва агледзець.
Доктар абмацаў хворага.
2. перан. Знайсці, намацаць, выявіць, шукаючы; высачыць, выведаць.
А. яблыкі ў торбе.
Бяда, калі абмацаюць бандыты.
|| незак. абма́цваць, -аю, -аеш, -ае.
абмачы́ць, -мачу́, -мо́чыш, -мо́чыць; -мо́чаны; зак., каго-што.
1. Зрабіць мокрым, намачыць.
Дождж абмачыў усяго да нітачкі.
2. Зрабіць мокрым, абмакнуўшы ў што-н.
А. касу.
|| незак. абмо́чваць, -аю, -аеш, -ае.
|| звар. абмачы́цца, -мачу́ся, -мо́чышся, -мо́чыцца; незак. абмо́чвацца, -аюся, -аешся, -аецца.
абмежава́льнік, -а, мн. -і, -аў, м. (спец.).
Прыстасаванне, якое абмяжоўвае дзеянне чаго-н.
А. хуткасці.
А. глыбіні.
абмежава́льны, -ая, -ае.
Які прадугледжвае абмежаванне; накіраваны на абмежаванне.
Абмежавальныя меры.
абмежава́нне, -я, мн. -і, -яў, н.
1. гл. абмежаваць.
2. Тое, што стрымлівае, абмяжоўвае пэўныя дзеянні, ставіць каго-, што-н. у пэўныя рамкі.
А. ў выкарыстанні выбуховых рэчываў.
абмежава́ны, -ая, -ае.
1. Нязначны, невялікі.
Абмежаваныя грашовыя сродкі.
2. перан. Пра чалавека: неразвіты, недалёкі, адсталы.
А. чалавек.
|| наз. абмежава́насць, -і, ж.
абмежава́цца, -мяжу́юся, -мяжу́ешся, -мяжу́ецца; -мяжу́йся; зак.
1. Не пайсці ў сваіх дзеяннях далей чаго-н., звесці дзейнасць да пэўнага кола пытанняў, задаволіцца чым-н.
А. дасягнутым.
2. Вызначыць мяжу якога-н. участка зямлі; з’явіцца мяжой чаго-н.
|| незак. абмяжо́ўвацца, -аюся, -аешся, -аецца.
абмежава́ць, -мяжу́ю, -мяжу́еш, -мяжу́е; -мяжу́й; -межава́ны; зак., каго-што.
Паставіць у пэўныя рамкі, межы; звузіць чыю-н. сферу дзейнасці.
А. дакладчыка рэгламентам.
А. права ўвозу.
|| незак. абмяжо́ўваць, -аю, -аеш, -ае.
|| наз. абмежава́нне, -я, н.