Verbum

адзіна...

Першая частка складаных слоў са знач.:

1. які мае толькі адно, звязаны толькі з чым-н. адным, напр. адзінабожжа, адзінаверства, адзінаспадчыннасць, адзінашлюбнасць аднашлюбнасць;
2. які робіцца, ажыццяўляецца толькі адным, адзіным, напр. адзінаначалле, адзінаўладдзе;
3. які робіцца, ажыццяўляецца адзін на адзін, напр. адзінаборства.

адзінабо́жжа, ✂, н.

Рэлігія, якая прызнае стваральнікам свету толькі аднаго Бога, монатэізм; проціл. мнагабожжа.

адзінабо́рнічаць, ✂; незак.

Удзельнічаць у адзінаборстве.

адзінабо́рства, ✂, н.

Бой адзін на адзін; паядынак.

• Уступіць у а. са стыхіяй.

адзінакро́ўны, ✂.

1. Які паходзіць ад аднаго бацькі, але розных маці (пра дзяцей).

   • Адзінакроўныя браты.

2. Тое, што і аднапляменны.

   • Адзінакроўныя народы.

|| наз. адзінакроўе, ✂.

адзінанача́лле, ✂, н.

Аднаасобнае кіраўніцтва.

• Прынцып адзінаначалля.

адзінанача́льнік, ✂, м.

Асоба, якая кіруе на аснове адзінаначалля.

адзіна́рны, ✂.

Які складаецца з адной часткі, не падвойны.

• Адзінарная рама.

адзінаўла́ддзе, ✂, н.

Кіраванне, калі ўся ўлада сканцэнтравана ў руках адной асобы.

|| прым. адзінаўладны, ✂.

• А. валадар.

адзіна́ццаць, ліч.

Лік і колькасць 11.

• А. рублёў.

|| парадкавы ліч. адзінаццаты, ✂.

• А. дзень.