Verbum

аж, часц.

1. часц. Ужыв. як узмацненне ў знач. нават.

   • Аж крыкнуў ад радасці.

2. часц. Падкрэслівае інтэнсіўнасць далейшай часткі паведамлення.

   • Дайшоў аж да самога міністэрства.

3. злуч. уступальны. Выражае выніковыя адносіны і ўзмацняе іх; так, што нават.

   • Машыны так гулі, аж вокны звінелі.

◊

• Аж чорна — вельмі многа.

• Ягад у лесе аж чорна.

ажарэ́б, ✂, м. (спец.).

1. Роды ў кабыл, асліц, вярблюдзіц.

2. Прыплод кабыл, асліц, вярблюдзіц.

ажно́, часц. і злуч. уступальны. (разм.).

Тое, што і аж.

ажу́р​¹, ✂, м.

1. Скразное вязанне, пляценне.

   • Вязаць ажурам.

2. Лёгкая празрыстая тканіна.

   • Пакрывала з ажуру.

ажу́р​², прысл.

У бухгалтэрыі: такое вядзенне справы, калі кожная аперацыя рэгіструецца неадкладна пасля яе выканання.

◊

• (Усё) у ажуры (разм.) — усё ў парадку, усё як належыць.

ажу́рны, ✂.

Празрысты, тонкі, драбнасеткаваты.

• Ажурная тканіна.
• Ажурная вязь.

◊

• Ажурная работа — пра вельмі тонкую, майстэрскую работу.

|| наз. ажурнасць, ✂.

ажыві́цца, ✂; зак.

1. Ажыць, набрацца сілы і энергіі, стаць больш выразным і яркім.

   • Чалавек ажывіўся, павесялеў.
   • Гутарка ажывілася.

2. Напоўніцца жыццём, рухам, дзейнасцю.

   • Пайшла тэхніка на палі, мясцовасць ажывілася.

3. Стаць больш актыўным, дзейным.

   • Сход ажывіўся.
   • Работа ажывілася.

|| незак. ажыўляцца, ✂.

|| наз. ажыўленне, ✂.

ажыві́ць, ✂; зак.

1. Вярнуць да жыцця, зрабіць зноў жывым.

   • А. арганізм.
   • А. успаміны (перан.).

2. Прыдаць сілы, энергіі; зрабіць ажыўленым, бадзёрым.

   • Радасная вестка ажывіла людзей.

3. Напоўніць жыццём, рухам, дзейнасцю.

   • Вяселле ажывіла старэнькую хату.

4. Зрабіць больш актыўным, дзейным.

   • А. работу нарады.

|| незак. ажыўляць, ✂.

|| наз. ажыўленне, ✂.

ажы́на, ✂, ж.

1. Кустовая калючая ягадная расліна сямейства ружакветных.

2. Чорна-шызыя ядомыя ягады гэтай расліны, падобныя на ягады малін.

   • Збіраць ажыны.

|| прым. ажынавы, ✂.

• А. куст.
• Ажынавае варэнне.

ажы́ннік, ✂, м.

Зараснік ажыны.