Verbum

адві́ць, ✂; зак.

Развіваючы, аддзяліць частку навітага.

• А. частку пражы на клубок.

|| незак. адвіваць, ✂.

адво́д, ✂, м.

1. гл. адвесці.

2. Заява аб адхіленні каго-н. ад удзелу ў чым-н.

   • Даць а. кандыдату.

3. Адгалінаванне (у трубе, электрасетцы і пад.).

   • А. ад батарэі.

◊

• Для адводу вачэй (разм.) — з мэтай адцягнуць увагу ад чаго-н.

адво́дак, ✂, м.

1. Галінка або частка кораня з вочкамі, пасаджаныя асобна для самастойнага росту.

   • Размнажэнне адводкамі.

2. Пчаліны рой, які толькі што ўтварыўся і аддзяліўся ад старога.

адво́дны, ✂.

Які служыць для адводу чаго-н. убок.

• Адводная труба.
• А. канал.

адво́льны, ✂.

1. Нічым не абмежаваны, вольны.

   • Адвольныя рухі.

2. Які праводзіцца самавольна.

   • Адвольнае рашэнне.

3. Бяздоказны, непераканаўчы, беспадстаўны.

   • Адвольнае тлумачэнне.

|| наз. адвольнасць, ✂.

адвучы́цца, ✂; зак.

1. ад чаго і з інф. Адвыкнуць ад чаго-н.

   • А. курыць.

2. Закончыць навучанне або знаходзіцца на вучобе нейкі час (разм.).

   • А. ў сярэдняй школе.
   • Адвучыўся год на курсах.

|| незак. адвучвацца, ✂.

адвучы́ць, ✂; зак.

1. каго (што) ад чаго і з інф. Прымусіць адвыкнуць ад чаго-н.

   • А. ад курэння.

2. каго (што) і без дапаўнення. Закончыць вучэнне, перастаць вучыць, навучаць (разм.).

3. каго ад чаго. Спыніць кармленне малаком маці.

   • А. дзіця ад грудзей.

|| незак. адвучваць, ✂.

адвы́кнуць, ✂; зак.

1. ад чаго і з інф. Пазбавіцца ад якой-н. прывычкі.

   • А. ад курэння.

2. ад каго-чаго. Перастаўшы бываць дзе-н. ці бачыцца з кім-н., стаць каму-н. далёкім, чужым.

   • А. ад старых сяброў.

|| незак. адвыкаць, ✂.

|| наз. адвыканне, ✂.

адвяза́цца, ✂; зак.

1. Развязацца, вызваліцца ад прывязі.

   • Сабака адвязаўся.
   • Вяроўка адвязалася.

2. перан., ад каго. Перастаць дакучаць каму-н. (разм.).

   • Адвяжыся ты ад мяне.

3. перан., ад каго-чаго. Пазбавіцца ад каго-, чаго-н. непажаданага, непрыемнага (разм.).

   • Хацелася хутчэй а. ад такога чалавека.

|| незак. адвязвацца, ✂.

адвяза́ць, ✂; зак.

Вызваліць ад прывязі, аддзяліць ад чаго-н. (прывязанае, завязанае).

• А. каня.
• А. вяроўку.

|| незак. адвязваць, ✂.