Verbum

по́дмазка, -і, ДМ -зцы, мн. -і, -зак, ж.

1. Кавалачак сала, здору і пад., якім падмазваюць скавараду, калі пякуць бліны.

2. перан. Хабар, грошы або матэрыяльныя каштоўнасці, якія даюцца службовай асобе як подкуп (разм.).

по́дпіс, -у, мн. -ы, -аў, м.

1. гл. падпісаць.

2. Надпіс пад чым-н, над чым-н.

П. пад карцінай.

3. Прозвішча, напісанае ўласнаручна.

Паставіць п. і дату.

по́дпуск, -у, мн. -і, -аў, м.

Рыбалоўная снасць у выглядзе вяроўкі з кручкамі і грузілам, якая апускаецца пад лёд.

Лавіць на п.

|| прым. падпускны́, -а́я, -о́е.

по́дскакам, прысл. (разм.).

Падскокваючы (бегчы, перамяшчацца).

Пабегчы п.

по́дступ, -у, м.

1. гл. падступіць.

2. звычайна мн. -ы, -аў. Месца, шлях для падыходу, прыбліжэння да чаго-н.

Баі ішлі на подступах да горада.

по́дсціл, -у, м.

1. гл. падаслаць².

2. Тое, што падаслана.

Салома на п.

по́дыум, -а, мн. -ы, -аў, м. (спец.).

Узвышэнне для натуршчыка, манекеншчыкаў.

по́дых, -у, мн. -і, -аў, м.

Лёгкі рух паветра.

П. ветру.

П. ранняй восені (перан.: набліжэнне).