Verbum

палавець, ✂; незак.

1. Набываць палавы колер.

   • Палавее ячмень.

2. Вызначацца сваім бледна-жоўтым колерам.

   • Неба палавела.

|| зак. запалавець, ✂.

палавік, ✂, м.

Вузкі доўгі дыванок з грубай тканіны, які рассцілаецца на падлозе.

палавіна, ✂, ж.

1. Адна з дзвюх роўных частак, якія разам складаюць цэлае.

   • П. памідора.
   • П. справы.
   • П. зімы прайшла.
   • Першая п. гульні (у спорце).

2. Сярэдзіна якой-н. адлегласці, прамежку часу.

   • Праехаць палавіну дарогі.
   • П. восьмай вечара.

3. Асобная частка жылога памяшкання (уст.).

   • Парадная п. дома.

4. Пра жонку (разм. жарт.).

   • Мая п. ў ад’ездзе.

|| памянш. палавінка, ✂.

|| прым. палавінны, ✂.

палавінчаты, ✂.

1. Які складаецца з дзвюх частак, палавін (спец.).

   • Палавінчатая цэгла (бітая).

2. перан. Пазбаўлены цэласнасці, паслядоўнасці, які не даводзіць чаго-н. да канца.

   • Палавінчатыя меры.
   • Палавінчатае рашэнне.

|| наз. палавінчатасць, ✂.

палавы, ✂.

Які мае бледна-жоўты колер.

• Збажына ўжо стала палавой.

паладзіць, ✂; зак.

Прыйсці да ладу, наладзіць узаемаразуменне, магчымасць сумеснага жыцця, дзейнасці.

• П. з суседзямі.

палажэнне, ✂, н.

1. Звод правіл, законаў, якія датычацца чаго-н.

   • П. аб выбарах.

2. Навуковае сцверджанне, сфармуляваная думка.

   • Асноўныя палажэнні кнігі.

паланізаваць, ✂; зак. і незак.

Зрабіць (рабіць) польскім па мове, звычаях.

|| наз. паланізацыя, ✂.

паланізм, ✂, м.

Слова або выраз, запазычаныя з польскай мовы або пабудаваныя паводле польскага ўзору.

паланіць, ✂; зак. і незак.

1. Узяць (браць) у палон (высок. і уст.).

   • П. варожую армію.

2. перан. Зачараваць (зачароўваць), захапіць (захапляць).

   • П. чароўным голасам.

|| наз. паланенне, ✂.