Verbum

пазапланавы, ✂.

Які не ўваходзіць у план, які выконваецца звыш плана.

• Пазапланавае заданне.

|| наз. пазапланавасць, ✂.

пазаплываць​¹, ✂; зак.

Заплысці куды-н. — пра ўсіх, многіх.

• Хлопчыкі далёка пазаплывалі ад берага.

пазаплываць​², ✂; зак.

1. чым і без дапаўнення. Заплысці, пакрыцца або напоўніцца чым-н. — пра ўсё, многае.

   • Шчыліны пазаплывалі смалой.

2. Распаўнець — пра ўсіх, многіх (разм.).

   • Твары пазаплывалі тлушчам.

пазаплятаць, ✂; зак.

1. Пераплятаючы, сплесці, заплесці ўсё, многае.

   • П. косы.
   • П. дзіркі ў тыне.

2. чым. Аплятаючы, пакрыць чым-н. ўсё, многае.

   • Павукі пазапляталі куткі павуціннем.

пазапрагаць, ✂; зак.

Запрэгчы ўсіх, многіх.

• П. коней.

пазапухаць, ✂; зак.

Запухнуць — пра многае.

• Пазапухалі вочы ад сну.

пазарастаць, ✂; зак.

1. Зарасці якой-н. расліннасцю — пра ўсё, многае.

   • Грады пазарасталі пустазеллем.

2. Пакрыцца валасамі, поўсцю і пад. — пра ўсіх, многіх.

   • Мужчыны пазарасталі бародамі.

3. Зажыць, зарубцавацца — пра ўсё, многае (разм.).

   • Пазарасталі раны.

пазараўноўваць, ✂; зак.

Зараўнаваць, зрабіць роўным усё, многае.

• П. ямы.

пазасаджваць, ✂; зак.

1. Засадзіць чым-н. усё, многае.

   • П. клумбы кветкамі.

2. Пасадзіць прымусова ўсіх, многіх куды-н. (разм.).

3. каго за што. Прымусіць займацца чым-н. усіх, многіх (разм.).

   • П. дзяцей за ўрокі.

4. Засунуць, уткнуць куды-н. усё, многае (разм.).

   • П. граблі пад вяроўку на возе.

пазасмечваць, ✂; зак.

Засмеціць усё, многае.

• П. вуліцы.