Verbum

падлог, ✂, м.

Падробка, складанне фальшывых дакументаў.

• Абвінавачванне ў растраце і падлогах.

падлога, ✂, ж.

Насціл у памяшканні, па якім ходзяць.

• Паркетная п.
• Земляная п. (утрамбаваная зямля без насцілу).

|| прым. падлогавы, ✂.

падлодка, ✂, ж.

Скарачэнне: падводная лодка.

падложны, ✂.

Які з’яўляецца падлогам, фальшывы.

• П. дакумент.

|| наз. падложнасць, ✂.

падлоўчы, ✂, м. (уст.).

1. Старшы аб’ездчык, ляснічы.

2. Старшы егер.

падлюстэрнік, ✂, м.

Столік пад насценным або стаячым люстрам.

падлягаць, ✂; незак. (афіц.).

Падвяргацца чаму-н. (аб распаўсюджанні на каго-, што-н. чаго-н. абавязковага, прымусовага).

• П. няўхільнаму выкананню.
• Не падлягае апавяшчэнню.

◊

• Не падлягае сумненню што (кніжн.) — не прыходзіцца сумнявацца ў верагоднасці чаго-н.

падляцець, ✂; зак.

1. Заляцець пад што-н.

   • Верабей падляцеў пад страху.

2. Наблізіцца, летучы.

   • Самалёты падляцелі да горада.

3. перан. Хутка падысці, падбегчы да каго-, чаго-н. (разм.).

   • Дзяўчынка падляцела да маці.

|| незак. падлятаць, ✂.

падлячыцца, ✂; зак. (разм.).

Палячыцца крыху, не давёўшы лячэння да канца.

• Вам трэба п. і адпачыць.

|| незак. падлечвацца, ✂.

падлячыць, ✂; зак. (разм.).

Палячыць крыху, не вылечваючы да канца.

• П. хворыя ногі.

|| незак. падлечваць, ✂.