Verbum

саломка, ✂, ж.

1. гл. салома.

2. зб. Сцёблы абабітага льну, канапель.

3. Кандытарскі, мучны выраб у выглядзе тонкіх доўгіх палачак або трубачак.

4. зб. Тонкія і кароткія драўляныя палачкі, з якіх робяць запалкі (спец.).

|| прым. саломкавы, ✂.

салон, ✂, м.

1. Памяшканне для выставак, для дэманстрацыі тавараў і пад., а таксама магазін для продажу і дэманстрацыі прадметаў гандлю, мастацкіх вырабаў і твораў мастацтва або атэлье, цырульня і пад., дзе заказы выконваюцца па-майстэрску.

   • Мастацкі с.
   • С. жаночага адзення.
   • С.-цырульня.

2. Парадная гасціная або зала для прыёму гасцей у багатым доме (уст.), а таксама агульная гасціная ў атэлі, гасцініцы.

3. Літаратурны або грамадска-палітычны гурток з вядомых асоб арыстакратычнага асяроддзя, якія збіраліся ў доме якой-н. прыватнай асобы (уст.).

4. Унутранае памяшканне аўтобуса, самалёта, цеплахода для пасажыраў, а таксама зала для чакання ў парыкмахерскай цырульні, атэлье і пад.

◊

• Салон-вагон — пасажырскі вагон, у адной палавіне якога размешчаны купэ, а ў другой — агульная зала для пасажыраў.

|| прым. салонны, ✂.

сальда, нескл., н. (спец.).

Астатак, розніца паміж прыходам і расходам рахунка.

• С. гандлёвага балансу.

|| прым. сальдавы, ✂.

сальнасць, ✂, ж.

1. гл. сальны.

2. Непрыстойнасць, грубасць, цынічнасць.

   • Гаварыць сальнасці.

сальнік, ✂, м.

1. Тлушчавая складка ў брушыне.

2. Прыстасаванне для герметызацыі адтулін, праз якія праходзяць рухомыя часткі механізмаў — валы, штокі і пад. (спец.).

3. Гандляр салам (разм.).

|| прым. сальнікавы, ✂.

сальніца, ✂, ж.

Невялікая пасудзіна для солі.

• Насыпаць солі ў сальніцу.

сальны, ✂.

1. гл. сала.

2. Які стаў тлустым, блішчастым ад сала, забруджаны салам.

   • Сальная барада.

3. перан. Непрыстойны, грубы, цынічны.

   • С. анекдот.

|| наз. сальнасць, ✂.

сальта, нескл., н. і сальта-мартале, нескл., н.

Скачок з пераваротам цела ў паветры.

сальфеджыо, нескл., н. (спец.).

1. Вакальнае практыкаванне — спяванне нот з вымаўленнем іх назваў.

2. Вучэбная дысцыпліна, прызначаная для развіцця музыкальнага слыху, голасу.

   • Два ўрокі с.

салют, ✂, м.

Ваенная форма прывітання або аддача пашаны каму-, чаму-н. ружэйнымі або артылерыйскімі залпамі, падняццем ці апусканнем сцяга і пад., а таксама стральба і феерверк з прычыны ўрачыстай даты, падзеі.

• С. дваццаццю артылерыйскімі залпамі.
• Піянерскі с. (прывітанне, якое выражаецца ў падняцці над галавой правай рукі).

|| прым. салютны, ✂.