Verbum

сываратка, ✂, ж.

Вадкасць, што атрымліваецца пры згортванні крыві па-за арганізмам, а таксама назва некаторых лекавых прэпаратаў з крыві.

• Процідыфтэрыйная с.

|| прым. сываратачны, ✂.

сыграны, ✂.

Які вызначаецца зладжанасцю ў працэсе ігры.

• С. аркестр.
• Сыграная футбольная каманда.

|| наз. сыгранасць, ✂.

сыграцца, ✂; зак.

Дасягнуць зладжанасці ў сумеснай гульні.

• Футбольная каманда сыгралася.

|| незак. сыгрывацца, ✂.

|| наз. сыграўка, ✂.

сыкаць, ✂; незак.

1. Утвараць глухія гукі, якія нагадваюць працяжнае вымаўленне гука «с».

   • Гусі выцягнулі шыі і пачалі с.

2. перан. Гаварыць здушаным ад раздражнення голасам (разм.).

3. перан. Злоснічаць, выказваць сваё незадавальненне (разм.).

   • С. на мужа.

|| аднакр. сыкнуць, ✂.

|| наз. сыканне, ✂ і сык, ✂.

сын, ✂, м.

1. Асоба мужчынскага полу ў адносінах да сваіх бацькоў.

   • Малодшы с. вучыцца ў школе.

2. звычайна мн., перан., чаго. Чалавек, як носьбіт характэрных рыс свайго асяроддзя, грамадства, народа і пад. (высок.).

   • Сыны Беларусі.
   • Сыны свайго часу.

|| ласк. сынок, ✂ і сыночак, ✂.

|| прым. сыноўскі, ✂.

• Сыноўскія абавязкі.

сып, ✂, м.

Дробныя плямкі ці прышчыкі, якія з’яўляюцца на целе пры некаторых хваробах.

• Алергічны с.

сыпацца, ✂; незак.

1. Пра што-н. сыпкае, дробнае: падаць, валіцца.

   • Са страхі сыплецца снег.
   • З торбы сыплецца мука.
   • Іскры сыплюцца з вачэй (перан.).

2. Пра частыя гукі, словы: чуцца, распаўсюджвацца, гучаць.

   • Услед сыпаліся жарты.

3. Пра тканіну: разбурацца ў выніку выпадання нітак па абрэзаным краі (разм.).

4. перан. Імкліва ў спеху бегчы.

   • З узгорка сыпаліся дзеці.

|| незак. перасыпацца, ✂.

сыпаць, ✂; незак.

1. Прымушаць падаць куды-н., паступова выпускаючы (што-н. сыпкае ці дробнае).

   • С. крупы курам.
   • С. бульбу ў кучу.

2. Пра дробны, часты дождж, снег: ісці, падаць.

   • З вечара сыпаў калючы снег.

3. перан., што, чым. Накіроўваць на каго-н. у вялікай колькасці; надзяляць, асыпаць.

   • С. удары.

4. перан., што, чым і без дапаўнення. Гаварыць хутка і многа (разм.).

   • С. жартамі.

5. перан. Імкліва бегчы, ісці, ехаць (разм.).

   • З хаты сыплюць дзеці.

|| аднакр. сыпнуць, ✂.

сыпка, ✂, ж.

Тое, што і сып.

сыпкі, ✂.

Які складаецца з дробных часцінак, не счэпленых адна з адной, які мае ўласцівасць рассыпацца.

• Сыпкія рэчывы.

|| наз. сыпкасць, ✂.