Verbum

парашыць, ✂; зак. (разм.).

1. Прыняць якое-н. рашэнне, рашыць.

   • Парашылі, што трэба ехаць неадкладна.
   • Ну, на чым вы тут парашылі?

2. Падумаўшы, разважыўшы, прыйсці да якога-н. вываду.

   • Усё абгледзеўшы, мы парашылі, што нехта ўжо тут быў да нас.

парвацца, ✂; зак.

1. Разарвацца, раздзяліцца на часткі ад нацягвання.

   • Ніткі парваліся.

2. Стаць дзіравым, знасіцца да дзірак.

   • Панчохі парваліся.

3. перан. Спыніцца (пра знаёмства, адносіны і пад.).

   • Сувязь з падпольшчыкамі парвалася.

парваць, ✂; зак.

1. Разарваць або крыху падраць.

   • П. вяроўку.
   • П. адзенне.

2. перан., з кім. Адразу, рэзка спыніць (знаёмства, адносіны і пад. з кім-н.).

   • П. дыпламатычныя адносіны.
   • П. з ранейшымі сябрамі.

◊

• Жылы парваць (разм.) — надарвацца ад цяжкай працы.

|| незак. парываць, ✂.

парк​¹, ✂, м.

Вялікі сад або пасаджаны гай з алеямі, кветнікамі і пад.

• Разбіць п.
• П. культуры і адпачынку.

|| прым. паркавы, ✂.

парк​², ✂, м.

1. Перасоўны склад для забеспячэння арміі.

   • Артылерыйскі п.
   • Гарматны п.

2. Месца стаянкі і рамонту транспартных сродкаў.

   • Аўтобусны п.
   • Тралейбус ідзе ў п.

3. Сукупнасць транспартных сродкаў, рухомы састаў, а таксама наогул сукупнасць машын, механізмаў і пад.

   • Аўтамабільны п.
   • П. сельскагаспадарчых машын.
   • Танкавы п.

|| прым. паркавы, ✂.

паркаленабіўны, ✂, (спец.).

Які мае адносіны да набіўкі малюнка на баваўняную тканіну.

паркаль, ✂, м.

Лёгкая баваўняная аднакаляровая або з набіўным малюнкам тканіна.

|| прым. паркалёвы, ✂.

паркан, ✂, м.

Агароджа з бярвёнаў, штыкецін або мураваная.

|| памянш. парканчык, ✂.

|| прым. парканны, ✂.

паркет, ✂, м.

Насціл на падлозе з дошчачак у форме розных узораў, геаметрычных фігур.

|| прым. паркетны, ✂.

• Паркетная падлога.

паркетчык, ✂, м.

Рабочы, спецыяліст па вырабу і насцілу паркету.