Verbum

папрыліпаць, ✂; зак.

Прыліпнуць — пра ўсіх, многіх ці ўсё, многае; прыліпнуць у многіх месцах.

• Лісце папрыліпала да тратуару.

папрылятаць, ✂; зак.

Прыляцець — пра ўсіх, многіх ці ўсё, многае.

• Птушкі папрыляталі.

папрымацоўваць, ✂; зак.

Прымацаваць што-н. у многіх месцах, прымацаваць усё, многае.

• П. табліцы да дошкі.

папрымаць, ✂; зак.

1. Прыняць, узяць з рук у рукі, у сваё распараджэнне ўсё ці частку таго, што здаюць, перадаюць, уручаюць.

   • П. кнігі ад чытачоў.
   • П. тэлеграмы.

2. Залічыць у склад чаго-н. усіх, многіх.

   • П. выпускнікоў школ на работу.

3. Дапусціць да сябе для агляду, для размовы па якіх-н. справах усіх, многіх.

   • П. хворых.
   • П. наведвальнікаў.

4. Зняць, забраць адкуль-н. усё, многае.

   • П. посуд са стала.

5. Прымаць некаторы час.

   • П. лякарства месяц.

папрымярзаць, ✂; зак.

Прымерзнуць — пра ўсіх, многіх або ўсё, многае; прымерзнуць у многіх месцах.

• Папрымярзалі вёдры да лаўкі.

папрыносіць, ✂; зак.

Прынесці ўсё многае ці ўсіх, многіх.

• П. кашы грыбоў.

папрыпаўзаць, ✂; зак.

Прыпаўзці — пра ўсіх, многіх.

папрыпісваць, ✂; зак.

Прыпісаць усіх, многіх або ўсё, многае.

• П. дапрызыўнікаў да прызыўных пунктаў.

папрыразаць, ✂; зак.

Прырэзаць усіх, многіх або ўсё, многае.

папрысоўваць, ✂; зак.

Прысунуць да каго-, чаго-н. усё, многае.

• П. крэслы да стала.