Verbum

пазлятацца, ✂; зак.

Зляцецца разам — пра ўсіх, многіх.

• Птушкі пазляталіся на раллю.
• Пазляталіся людзі на паратунак (перан.).

пазлятаць, ✂; зак.

1. Зляцець адкуль-н. — пра ўсіх, многіх.

   • Куры пазляталі з седала.

2. Паляцець, вылецець куды-н. — пра ўсіх, многіх.

   • Шпакоў не відаць, некуды пазляталі.

3. Зваліцца — пра ўсіх, многіх ці ўсё, многае (разм.).

   • Шапкі пазляталі з коннікаў.

пазмагацца, ✂; зак.

Прыняць удзел у барацьбе; змагацца некаторы час.

• Давялося доўга п. за справядлівасць.

пазмацоўваць, ✂; зак.

Змацаваць усё, многае.

• П. бярвенне скобамі.

пазменны, ✂.

Які адбываецца зменамі.

• Працаваць пазменна (прысл.).

пазмрачнелы, ✂.

Які зрабіўся змрочным, змрачнейшым.

• Пазмрачнелае неба.
• П. твар.

пазмываць, ✂; зак.

1. Змыць, ліквідаваць мыццём усё, многае.

   • П. фарбу з рук.

2. Змыць, знесці адкуль-н. усё, многае або ўсіх, многіх.

   • Вада пазмывала пасевы.

пазмятаць, ✂; зак.

1. Змесці з якой-н. паверхні ўсё, многае.

   • П. пыл з мэблі.

2. Метучы, сабраць у адно месца ўсё, многае.

   • П. лісце ў кучу.

пазна...

Першая частка складаных слоў; ужыв. замест «позна...», калі націск у другой частцы слова падае на першы склад, напр. пазнаспеласць, пазнаспелы.

пазнавальны, ✂ (кніжн.).

1. Які мае адносіны да пазнання (у 2 знач.).

   • П. працэс.

2. Які садзейнічае пазнанню, расшырэнню ведаў.

   • Пазнавальнае значэнне мастацтва.

|| наз. пазнавальнасць, ✂.