Verbum

папухнуць, ✂; зак.

Апухнуць — пра ўсіх, многіх або ўсё, многае.

• Ногі папухлі.

папытацца, ✂; зак.

1. каго або у каго. Задаць каму-н. пытанне, каб даведацца пра што-н.

   • Папытайся ў яе пра здароўе маці.

2. чаго або ў каго. Папрасіць дазволу на што-н., звярнуцца з якой-н. просьбай.

   • Сам пачаў рабіць ні ў кога не папытаўшыся.

папытаць, ✂; зак.

Звярнуцца да каго-н. з пытаннем, каб даведацца пра што-н.

• Папытай, калі яны ад’язджаюць.

папыхкваць, ✂; незак. (разм.).

Выпускаць час ад часу дым, пару.

• П. люлькай.
• На станцыі папыхкваў паравоз.

папялець, ✂; незак.

1. Ператварацца ў попел (разм.).

   • Папялела хата ў агні.

2. Набываць колер попелу.

   • Познім летам папялеюць зоркі.

папяліста-...

Першая частка складаных слоў са знач. попельны, з попельным адценнем, напр. папяліста-блакітны, папяліста-жамчужны, папяліста-каштанавы, папяліста-русы, папяліста-сівы, папяліста-шэры.

папялісты, ✂.

Які мае колер попелу.

• Папялістае неба.

папялішча, ✂, н.

Тое, што і пажарышча.

папяльнік, ✂, м. (спец.).

Ніжняя частка топкі, куды падае попел.

папяровы, ✂.

1. гл. папера.

2. перан. Канцылярска-бюракратычны.

   • Папяровая цяганіна.