Verbum

парка́н, -а, мн. -ы, -аў, м.

Агароджа з бярвён, штыкецін або мураваная.

|| памянш. парка́нчык, -а, мн. -і, -аў, м.

|| прым. парка́нны, -ая, -ае.

паркану́ць гл. поркаць.

парке́т, -у, М -ке́це, м.

Насціл на падлозе з дошчачак у форме розных узораў геаметрычных фігур.

|| прым. парке́тны, -ая, -ае.

Паркетная падлога.

парке́тчык, -а, мн. -і, -аў, м.

Рабочы, спецыяліст па вырабе і насціле паркету.

парла́мент, -а, М -нце, мн. -ы, -аў, м.

Найвышэйшы заканадаўчы і прадстаўнічы орган у дэмакратычных дзяржавах.

|| прым. парла́менцкі, -ая, -ае.

парламентары́зм, -у, м.

Сістэма дзяржаўнай улады на чале з парламентам.

|| прым. парламента́рны, -ая, -ае.

парламента́рый, -я, мн. -і, -яў, м. (кніжн.).

Член парламента.

парламенцёр, -а, мн. -ы, -аў, м.

Асоба, упаўнаважаная адным з ваюючых бакоў для перагавораў з праціўнікам.

|| прым. парламенцёрскі, -ая, -ае.

парна...

Першая састаўная частка складаных слоў са знач. парнаграфічны, напр.: парнабізнес, парназорка, парнафільм, парнашоу.

парнагра́фія, -і, ж.

Крайняя непрыстойнасць, цынічнасць у паказе чаго-н., звязанага з палавымі адносінамі.

|| прым. парнаграфі́чны, -ая, -ае.