Verbum

пама́да

(фр. pommade)

пахучая касметычная мазь.

памало́гія

(ад лац. pomum = плод + -логія)

навука аб сартах пладовых і ягадных раслін.

памідо́р

(іт. pomidoro, ад pomo d’oro = залаты яблык)

агародная травяністая расліна сям. паслёнавых з сакавітымі чырвонымі або жоўтымі пладамі, прыдатнымі для яды, якая вырошчваецца ў розных кліматычных зонах, а таксама плод гэтай расліны.

пампаду́р

(фр. Pompadour = прозвішча маркізы, фаварыткі фр. караля Людовіка XV)

1) адміністратар-самадур;

2) стыль мэблі, адзення, які нагадвае той, што быў пры двары Людовіка XV;

3) французскі танец 19 ст.

пампа́сы

(ісп. pampas, ад перуан. pampa = раўніна)

паўднёваамерыканскія стэпы.

пампе́зны

(фр. pompeux, pompeuse)

разлічаны на знешні эфект, пышны, урачысты (напр. п-ая сустрэча).

пампе́льмус

(гал. pompelmoes)

вечназялёнае цытрусавае дрэва сям. рутавых з буйнымі ядомымі ярка-жоўтымі пладамі, якое вырошчваюць у Індыі, Кітаі, Японіі.

пампе́ра

(ісп. pampero)

халодны паўднёвы вецер у Аргенціне і Уругваі, выкліканы пранікненнем антарктычнага паветра.

пампо́н

(фр. pompon)

упрыгожанне ў выглядзе шарыка з нітак, футра на галаўных уборах, адзенні, абутку.

пампу́шка

(польск. pampuszek, ад ням. Pfannkuchen)

невялікая круглая пышная булка.