Verbum

па́ўндаль

(англ. poundal)

адзінка сілы ў сістэме англійскіх мер, роўная 0,138255 ньютана.

па́ўпер

(лац. pauper = бедны)

кніжн. бядняк, пазбаўлены сродкаў для існавання.

паўперыза́цыя

(ад лац. pauper, -eris = бедны)

кніжн. масавае збядненне працоўных.

паўперы́зм

(ад лац. pauper, -eris = бедны)

кніжн. галеча, жабрацтва.

паўрапо́ды

(н.-лац. pauropoda)

падклас мнаганожак, пашыраны амаль ва ўсіх геаграфічных зонах, акрамя пустынь і тундры.

паўша́льны

(ням. pauschal)

узяты ў цэлым, цалкам;

п-ая сума — агульная сума без дыферэнцыравання на яе састаўныя часткі.

па́фас

(гр. pathos = пачуццё, страсць)

уздым, запал, энтузіязм;

п. творчасці — страсны тон размовы, літаратурнага твора.

пахігна́та

(н.-лац. pachygnatha)

павук сям. тэтрагнатавых, які жыве ў паніжаных месцах, на берагах вадаёмаў, у імху, пад камянямі, на траве і кустах.

пахідэ́рмія

(гр. pachydermia = таўстаскурасць)

паталагічнае патаўшчэнне скуры, слановасць.

пахідэ́рмы

(гр. pachydermos = таўстаскуры)

таўстаскурыя жывёлы.