Verbum

па́тэр

(лац. pater = бацька)

каталіцкі свяшчэннік, а таксама манах у сане свяшчэнніка або дыякана.

патэ́рна

(фр. poteerne)

галерэя пад зямлёй або ўнутры масіўнага збудавання, напр. плаціны.

патэрналі́зм

(ад лац. paternus = бацькоўскі)

паказная дабрачыннасць з мэтай стварэння ілюзіі клопату аб інтарэсах працоўных.

патэрно́стэр

(ням. Paternoster, ад лац. pater noster = бацька наш)

шматкабінны пасажырскі ліфт бесперапыннага дзеяння з адкрытымі кабінамі з боку пасадачных пляцовак на паверхах.

патэ́тыка

(гр. pathetikos = хвалюючы)

усхваляваны тон размовы, літаратурнага твора, музыкі, кіно, тэатральнай пастаноўкі.

патэты́чны

(гр. pathetikos)

поўны пафасу, страсны (напр. п-ая прамова).

патэфо́н

(ад фр. Pathe = назва фірмы + -фон)

апарат для прайгравання пласцінак з гукавым запісам на іх.

па́ўза

(лац. pausa, ад гр. pausis = спыненне)

перапынак у гутарцы, у гучанні музычнага твора.

паўлі́н

(ад лац. pavo)

вялікая паўднёваазіяцкая птушка сям. фазанавых са стракатым апярэннем і доўгім веерападобным хвастом.

паўло́ўнія

(н.-лац. paulownia)

лістападнае дрэва сям. бігноніевых з буйным лісцем, пашыранае пераважна ва Усх. Азіі; у Еўропе вырошчваецца як дэкаратыўнае.