Verbum

панспермі́я

(ад пан- + сперма)

гіпотэза аб паўсюдным распаўсюджванні ў Сусвеце зародкаў жывых істот.

пантагра́фія

(ад гр. pan, -ntos = усё + -графія)

павелічэнне або памяншэнне малюнка, карты, выкананае пры дапамозе пантографа.

пантадо́нты

(н.-лац. pantodonta)

атрад вымерлых капытных, якія дасягалі памераў невялікага насарога; жылі ў палеагене.

пантакра́тар

(гр. pantokrator = усеўладца)

паясное адлюстраванне Хрыста, які трымае Евангелле ў левай руцэ і благаслаўляе правай.

пантакры́н

(ад панты + гр. krino = аддзяляю)

лячэбны танізуючы сродак, які здабываецца з пантаў.

пантало́ны

(іт. pantaloni, ад Pantalone = імя камічнага персанажа італьянскіх народных камедый)

1) частка жаночай бялізны, якая пакрывае ніжнюю частку тулава ад пояса да каленяў;

2) уст. штаны.

пантамі́м

(гр. pantomimos = які ўсё пераймае)

1) танцавальная сцэна ў старажытнарымскім тэатры, якая перадавала змест дзеяння і эмоцыі персанажаў пры дапамозе мімікі, жэстаў, пластыкі;

2) акцёр, які выконваў такую сцэну.

пантамі́ма

(гр. pantomimos = які ўсё пераймае)

тэатральны спектакль, у якім змест сцэн перадаецца не словамі, а жэстамі, мімікай, пластычнымі рухамі.

пантанёр

(фр. pantonnier)

ваеннаслужачы інжынерных войск, спецыяліст па навядзенню пантонных мастоў.

пантапо́ды

(ад гр. pan, -ntos = усё + -поды)

клас марскіх драпежных жывёл з 4—6 парамі хаджалых ног, марскія павукі.