пай
(цюрк. pay = частка)
доля, якая ўносіцца ў агульную справу кожным яе ўдзельнікам.
пайкіласматы́чны
(ад гр. poikilos = розны, пераменлівы + osmos = ціск)
п-ыя жывёлы — жывёлы, якія маюць такі ж асматычны ціск вадкасцей унутранага асяроддзя, як і ў навакольнай вадзе (прасцейшыя, кольчатыя чэрві, малюскі, ігласкурыя); параўн. гомайасматычны.
пайкілатэ́рмны
(ад гр. poikilos = розны, пераменлівы + -тэрмны);
п-ыя жывёлы — жывёлы з пераменлівай тэмпературай цела, якая мяняецца пад уплывам тэмпературы навакольнага асяроддзя і звычайна роўная ёй (беспазваночныя, кругларотыя, рыбы, земнаводныя і паўзуны); халаднакроўныя жывёлы (параўн. гамаятэрмны).
пайкілацыто́з
(ад гр. poikilos = розны, пераменлівы + -цытоз)
мед. наяўнасць у перыферычнай крыві эрытрацытаў не круглай, а якой-н. іншай формы (авальнай, грушападобнай і інш.).
пак1
(ням. Pack, ад гал. pak)
стос прадметаў, якія ляжаць адзін на другім (напр. п. газет, п. тавару).
пак2
(англ. pack = мяса)
шматгадовы дрэйфуючы марскі лёд у палярных водах.
пакава́ць
(польск. pakować, ад ням. packen)
складаць рэчы ў якую-н. тару, звязваць іх у клункі, пакі.
пакга́уз
(ням. Packhaus)
склад для грузаў пры чыгуначных станцыях, партах.
па́кер
(англ. packer, ад pack = ушчыльняць)
прыстасаванне, якое спускаецца ў буравую свідравіну на трубах для размежавання пласта з пазатрубнай прасторай.
паке́т
(польск. pakiet, ад фр. paquet)
1) папяровы пакунак, скрутак з чым-н.;
2) канверт з якой-н. афіцыйнай паперай.