Verbum

парка́н

(польск. parkan, ад с.-в.-ням. parkan)

драўляная агароджа, плот.

парке́т

(фр. parquet)

падлога з маленькіх гладкіх дошчачак, пакладзеных у выглядзе геаметрычных фігур, а таксама самі гэтыя дошчачкі.

па́ркінг

(англ. parking)

вызначанае месца стаянкі механічных сродкаў перамяшчэння.

паркінсані́зм

(ад англ. Parkinson = прозвішча англ. урача)

хваравіты стан, звязаны з паражэннем глыбокіх аддзелаў галаўнога мозгу пры энцэфаліце, атэрасклерозе сасудаў мозгу і інш.

парла́мент

(англ. parliament < фр. parlement, ад parler = гаварыць)

1) вышэйшы заканадаўчы орган з выбарных прадстаўнікоў у многіх краінах; бывае аднапалатны і двухпалатны (напр. англійскі п.);

2) перан. назва найвышэйшага заканадаўчага прадстаўнічага органа любой канстытуцыйнай дзяржавы.

парламентары́зм

(фр. parlamentarisme)

сістэма дзяржаўнага кіравання на чале з парламентам.

парламента́рый

(ням. Parlamentarier, фр. parlementaire)

член парламента, прыхільнік парламенцкіх метадаў барацьбы.

парламенцёр

(фр. parlementaire)

афіцыйны прадстаўнік, які пасылаецца адным з ваюючых бакоў для перагавораў з праціўнікам.

пармеза́н

(фр. parmesan, ад іт. Parma = назва іт. горада)

сорт італьянскага цвёрдага сыру, які ўжываецца пераважна як прыправа да страў.

пармеліёпсіс

(н.-лац. parmeliopsis)

ліставаты сумчаты лішайнік сям. пармеліевых, які расце ў хваёвых і мяшаных лясах на галінах і ствалах, кустах, пнях, радзей на камянях.