Verbum

зацікаўленасць, ✂, ж.

1. гл. зацікавіцца, -ць.

2. Матэрыяльны, практычны інтарэс да чаго-н.

   • Матэрыяльная з.
   • З. у справе.

зацірка, ✂, ж.

Рэдкая страва з дробных мучных камячкоў, згатаваных на вадзе ці малацэ.

• Забяліць зацірку.

|| прым. зацірачны, ✂.

заціскачка, ✂, ж.

Прыстасаванне для заціскання чаго-н.

заціскны, ✂.

Які прызначаецца, служыць для заціскання.

• З. механізм.

заціснуцца, ✂; зак. (разм.).

З цяжкасцю прабрацца, залезці куды-н.

• З. ў кут.

|| незак. заціскацца, ✂.

заціснуць, ✂; зак.

1. Затрымаць, зашчаміць, абхапіўшы з усіх бакоў.

   • З. манету ў кулаку.
   • З. болт у ціскі.

2. Шчыльна заткнуць, сціснуўшы.

   • З. вушы далонямі.
   • З. рот (таксама перан. не даць свабодна выказацца).

3. Паменшыць у аб’ёме або зрабіць больш тугім, сціснуўшы.

   • З. вузел.

4. перан. Абмежаваць свабоду ў чым-н., перашкодзіць развіццю, праяўленню чаго-н.

   • З. крытыку.
   • З. ініцыятыву.

5. каго. Ціскаючы, замучыць, задушыць (разм.).

   • З. у натоўпе.

|| незак. заціскаць, ✂.

заціхлы, ✂.

Які заціх, перастаў гучаць або чуцца.

• Заціхлая зала.
• Заціхлая песня.

заціхнуць, ✂; зак.

1. Перастаць утвараць якія-н. гукі; перастаць шумець.

   • Зала заціхла.
   • Дзеці заціхлі.

2. перан. Аслабіць або спыніць сваю дзейнасць.

   • Вецер заціх.

|| незак. заціхаць, ✂.

зацішак, ✂, м.

1. Ціхае, затуленае ад ветру месца.

   • Схавацца ў з.

2. перан. Утульнае, адасобленае ад шуму месца.

   • Не мог сядзець у зацішку, калі таварышы ваююць.

зацішны, ✂.

1. Бязветраны, ціхі.

   • З. бок.

2. перан. Без значных падзей, ажыўленай дзейнасці.

   • Зацішныя дні.