Verbum

падвы́піць, -п’ю, -п’еш, -п’е; зак. (разм.).

Выпіўшы крыху спіртнога, злёгку захмялець.

падвы́сіць, -ы́шу, -ы́сіш, -ы́сіць; -ы́шаны; зак. (разм.).

1. каго-што. Падняць вышэй, зрабіць вышэйшым.

П. плаціну.

2. каго (што). Перавесці на больш высокую пасаду.

П. у званні.

3. што. Павялічыць (цэны, нормы і пад.).

П. норму выпрацоўкі.

|| незак. падвыша́ць, -а́ю, -а́еш, -а́е.

|| наз. падвышэ́нне, -я, н.

падвядзе́нне гл. падвесці.

падвяза́ць, -яжу́, -я́жаш, -я́жа; -яжы́; -я́заны; зак., што.

Прывязаць, абвязаць знізу ці прывязаць, каб не апускалася.

П. мазніцу пад калёсы.

П. званочак.

П. памідоры.

|| незак. падвя́зваць, -аю, -аеш, -ае.

|| наз. падвя́званне, -я, н.

падвя́зка, -і, ДМ -зцы, мн. -і, -зак, ж.

Тасьма, рызінка для падвязвання панчох.

|| прым. падвя́зачны, -ая, -ае.

падвя́лы, -ая, -ае.

Які падвяў.

Падвялая трава.

падвяне́чны, -ая, -ае.

Прызначаны для вянчання, які надзяваецца ў час вянчання.

П. убор.

падвярга́цца гл. падвергнуцца.

падвярга́ць гл. падвергнуць.

падвярну́цца, -вярну́ся, -ве́рнешся, -ве́рнецца; -вярні́ся; зак.

1. (1 і 2 ас. не ўжыв.). Вывіхнуцца, аказацца пашкоджаным (пра ногі, рукі).

Нага падвярнулася.

2. перан. Выпадкова сустрэцца, аказацца побач або выпасці, прыйсціся на чыю-н. долю (разм.).

Падвярнуўся знаёмы.

Падвярнуўся зручны момант.

|| незак. падваро́чвацца, -аецца (да 1 знач.).