Verbum

паўлі́тра, н.

Палавіна літра.

П. малака.

паўлітро́вы, -ая, -ае.

Ёмістасцю ў паўлітра.

Паўлітровая бутэлька.

паўлітро́ўка, -і, ДМ -ро́ўцы, мн. -і, -ро́вак, ж. (разм.).

Бутэлька гарэлкі ёмістасцю ў паўлітра.

паўляжа́ць, -ляжу́, -ляжы́ш, -ляжы́ць; -ляжы́м, -лежыце́, -ляжа́ць; -ляжы́; незак.

Ляжаць з прыўзнятай верхняй часткай тулава.

паўма́звацца, 1 і 2 ас. адз. не ўжыв., -аецца; -аемся, -аецеся, -аюцца; зак.

Умазацца, замазацца — пра ўсіх, многіх або пра ўсё, многае.

Дзеці паўмазваліся ў гразь.

паўма́зваць, -аю, -аеш, -ае; -аны; зак., каго-што.

Умазаць, замазаць усё, многае ці ўсіх, многіх.

П. кручкі ў сцены.

П. рукі ў сажу.

паўма́ска, -і, ДМ -ма́сцы, мн. -і, -сак, ж.

Вузкая маска, якая закрывае толькі верхнюю частку твару.

паўмацо́ўваць, -аю, -аеш, -ае; -аны; зак., што.

Умацаваць усё, многае.

паўме́ра, -ы, мн. -ы, -ме́р, ж.

Палавінчатае дзеянне, рашэнне, якое не вырашае справы.

Не абмяжоўвацца паўмерамі.

паўме́сяц, -а, м.

Няпоўны дыск месяца; серп месяца.