Verbum

павычышча́ць, -а́ю, -а́еш, -а́е; -а́ны; зак., што.

Вычысціць усё, многае.

П. касцюмы.

павы́шаны, -ая, -ае.

Больш высокі, вышэйшы за нармальны; павялічаны, палепшаны.

Павышаная тэмпература.

Гаварыць павышаным тонам.

Павышаныя абавязацельствы.

павыша́цца гл. павысіцца.

павыша́ць гл. павысіць.

павышэ́нне гл. павысіць.

павышэ́ць, -э́ю, -э́еш, -э́е; зак.

Зрабіцца вышэйшым.

Хлопчык за лета значна павышэў.

павыяда́ць, -а́ю, -а́еш, -а́е; -а́ны; зак., што.

Выесці што-н. у многіх месцах або ўсё, многае.

П. начынку з пірагоў.

павыязджа́ць, адз. л. не ўжыв.; -а́ем, -а́еце, -а́юць; зак.

Выехаць адкуль-н. — пра ўсіх, многіх.

Іх родзічы павыязджалі адгэтуль.

павяза́ць, -яжу́, -я́жаш, -я́жа; -яжы́; -я́заны; зак.

1. што. Склаўшы разам, звязаць усё, многае.

П. адзенне ў клункі.

2. каго. Звязаць рукі і ногі ўсім, многім.

П. бандытаў.

3. што. Надзеўшы на што-н., завязаць.

П. галаву хусткай.

4. што і без дап. Вязаць што-н. некаторы час.

За дзень павязалі ўсе снапы.

|| незак. павя́зваць, -аю, -аеш, -ае (да 3 знач.).

павя́зка, -і, ДМ -зцы, мн. -і, -зак, ж.

1. Кавалак тканіны, які носяць на рукаве і пад.

Жалобная п.

2. Бінт ці іншы матэрыял, якім закрыта, завязана параненае месца або які дапамагае ўтрымліваць частку цела ў патрэбным становішчы.

Налажыць павязку на рану.

Гіпсавая п.

|| прым. павя́зачны, -ая, -ае.