Verbum

пападсціла́ць, -а́ю, -а́еш, -а́е; зак., каго-што і чаго.

Падаслаць¹ усіх, многіх, усё, многае або ўсім, многім.

пападтыка́ць, -а́ю, -а́еш, -а́е; -а́ны; зак., што.

Падаткнуць усё, многае.

пападціра́ць, -а́ю, -а́еш, -а́е; зак., што.

Падцерці ўсё, многае.

П. лужыны на падлозе.

пападця́гваць, -аю, -аеш, -ае; зак., каго-што.

Падцягнуць усіх, многіх ці ўсё, многае.

П. папружкі.

папае́здзіць, -джу, -дзіш, -дзіць; зак. (разм.).

Ездзіць доўга, неаднаразова.

За жыццё давялося папахадзіць і п. у розныя гарады.

папае́сці, -е́м, -ясі́, -е́сць; -ядзі́м, -ясце́, -яду́ць; папае́ў, -е́ла; папае́ш і папаяда́ць, -а́ю, -а́еш, -а́е; зак., чаго (разм.).

Есці доўга, неаднаразова; з’есці многа чаго-н.

Ну мы і папаелі ў гасцях!

папазбіра́ць, -а́ю, -а́еш, -а́е і папазбі́рваць, -аю, -аеш, -ае; зак., што і чаго (разм.).

Збіраць доўга, неаднаразова; сабраць многа чаго-н.

Вось тут мы грыбоў папазбіралі (папазбірвалі).

папаздзе́кавацца, -куюся, -куешся, -куецца; -куйся; зак., з каго-чаго (разм.).

Здзекавацца доўга, неаднаразова.

Беднае хлапчанё, папаздзекаваліся з яго людзі.

папазні́цца, 1 і 2 ас. адз. не ўжыв., -по́зніцца; -по́знімся, -по́зніцеся, -по́зняцца; зак. (разм.).

Спазніцца — пра ўсіх, многіх.

З-за электрычкі многія папазніліся на работу.

папа́йя, -і, мн. -і, -яў, ж.

Трапічнае дрэва з жаўтавата-зялёнымі пладамі, якія нагадваюць дыню; плод такога дрэва.