Verbum

паўжа́ртам, прысл.

З адценнем жартаўлівасці.

Сказаць што-н. п.

паўз, прыназ. з В.

Ужыв. пры назвах мясцін, прадметаў, уздоўж або непадалёку ад якіх што-н. размяшчаецца ці рухаецца.

Праязджалі п. лес.

па́ўза, -ы, мн. -ы, паўз і па́ўзаў, ж.

Кароткі перапынак у гучанні, гаворцы, працы і пад.

паўзабыццё, -я́, н.

Амаль непрытомны стан.

Ляжаць у паўзабыцці.

паўзбіва́ць, -а́ю, -а́еш, -а́е; -а́ны; зак., што.

Узбіць усё, многае.

П. падушкі.

паўзбу́джваць, -аю, -аеш, -ае; зак., каго (што).

Узбудзіць усіх, многіх.

П. дзяцей.

паўзве́рх.

1. прысл. Вышэй за паверхню чаго-н., над кім-, чым-н.

Глядзець п.

2. прыназ. з Р. Ужыв. з назвамі месца або прадмета, над паверхняй якіх што-н. размяшчаецца, адбываецца, рухаецца.

Вада ішла п. лёду.

паўзво́дна, прысл.

Пра ваенны строй: узводамі, адзін узвод за другім.

Ісці п.

паўздзіра́ць, -а́ю, -а́еш, -а́е; -а́ны; зак., што.

Узадраць усё, многае.

П. маснічыны.

паўзко́м, прысл.

Пра перамяшчэнне: прыпадаючы тулавам да паверхні, перабіраючы па ёй рукамі і нагамі.

Прабірацца куды-н. п.