Verbum

папрыліпа́ць, 1 і 2 ас. адз. не ўжыв., -а́е; зак.

Прыліпнуць — пра ўсіх, многіх ці ўсё, многае; прыліпнуць у многіх месцах.

Лісце папрыліпала да тратуару.

папрылята́ць, 1 і 2 ас. адз. не ўжыв., -а́е; -а́ем, -а́еце, -а́юць; зак.

Прыляцець — пра ўсіх, многіх ці ўсё, многае.

Птушкі папрыляталі.

папрымацо́ўваць, -аю, -аеш, -ае; -аны; зак., што.

Прымацаваць што-н. у многіх месцах, прымацаваць усё, многае.

П. табліцы да дошкі.

папрыма́ць, -а́ю, -а́еш, -а́е; зак.

1. што. Прыняць, узяць з рук у рукі, у сваё распараджэнне ўсё ці частку таго, што здаюць, перадаюць, уручаюць.

П. кнігі ад чытачоў.

П. тэлеграмы.

2. каго (што). Залічыць у склад чаго-н. усіх, многіх.

П. выпускнікоў школ на работу.

3. каго (што). Дапусціць да сябе для агляду, для размовы па якіх-н. справах усіх, многіх.

П. хворых.

П. наведвальнікаў.

4. што. Зняць, забраць адкуль-н. усё, многае.

П. посуд са стала.

5. што і без дап. Прымаць некаторы час.

П. лякарства месяц.

папрымярза́ць, 1 і 2 ас. адз. не ўжыв., -а́е; зак.

Прымерзнуць — пра ўсіх, многіх або ўсё, многае; прымерзнуць у многіх месцах.

Папрымярзалі вёдры да лаўкі.

папрыно́сіць, -но́шу, -но́сіш, -но́сіць; зак., каго-што.

Прынесці ўсё, многае ці ўсіх, многіх.

П. кашы грыбоў.

папрыпаўза́ць, 1 і 2 ас. адз. не ўжыв., -а́е; -а́ем, -а́еце, -а́юць; зак.

Прыпаўзці — пра ўсіх, многіх.

папрыпі́сваць, -аю, -аеш, -ае; -аны; зак., каго-што.

Прыпісаць усіх, многіх або ўсё, многае.

П. дапрызыўнікаў да прызыўных пунктаў.

папрыраза́ць, -а́ю, -а́еш, -а́е; -а́ны і папрырэ́зваць, -аю, -аеш, -ае; -аны; зак., каго-што.

Прырэзаць усіх, многіх або ўсё, многае.

папрысо́ўваць, -аю, -аеш, -ае; -аны; зак., што.

Прысунуць да каго-, чаго-н. усё, многае.

П. крэслы да стала.