Verbum

папраду́ха, -і, ДМ -ду́се, мн. -і, -ду́х, ж. (уст.).

1. Жанчына, якая займаецца ручным прадзеннем.

Якая п. пры кудзелі, такое палатно ў белі (з нар.).

2. мн. Вячоркі, якія наладжвала вясковая моладзь, каб папрасці і павесяліцца; попрадкі.

Хадзіць на папрадухі.

папрака́ць, -а́ю, -а́еш, -а́е; незак., каго, чым.

Выказваць каму-н. дакор, нездавальненне чым-н., абвінавачваць у чым-н., асуджаць за што-н.

П. куском хлеба.

П. каго-н. у баязлівасці.

|| аднакр. папракну́ць, -ну́, -не́ш, -не́; -нём, -няце́, -ну́ць; -ні́.

папрако́лваць, -аю, -аеш, -ае; -аны; зак., што.

Пракалоць што-н. у многіх месцах або ўсё, многае.

П. шыны.

папрако́пваць, -аю, -аеш, -ае; -аны; зак., што.

Пракапаць што-н. у многіх месцах.

П. канаўкі для сцёку вады.

папракру́чваць, -аю, -аеш, -ае; -аны; зак., што.

Пракруціць у многіх месцах (дзіркі і пад.).

папрамака́ць, 1 і 2 ас. адз. не ўжыв., -а́е; -а́ем, -а́еце, -а́юць; зак.

Прамокнуць — пра ўсё, многае ці ўсіх, многіх.

Світкі папрамакалі наскрозь.

папрамыва́ць, -а́ю, -а́еш, -а́е; -а́ны; зак., што.

Прамыць усё, многае.

Вада папрамывала дамбу ў многіх месцах.

папрапіха́ць, -а́ю, -а́еш, -а́е; -а́ны і папрапі́хваць, -аю, -аеш, -ае; -аны; зак., што.

Прапхнуць усё, многае.

папрапо́рваць, -аю, -аеш, -ае; -аны; зак., што.

Прапароць што-н. у многіх месцах, прапароць усё, многае.

П. шыны.

П. ногі на калючы дрот.

папрапуска́ць, -а́ю, -а́еш, -а́е; -а́ны; зак.

1. каго-што. Прапусціць усіх, многіх або ўсё, многае, даць прайсці, праехаць усім, многім.

П. пешаходаў.

2. што. Прасунуць, працягнуць праз што-н. усё, многае.

П. правады праз адтуліны.

3. што. Зрабіць многа пропускаў.

П. радкі верша.