Verbum

парапсіхало́гія, -і, ж. (спец.).

Вучэнне аб гіпатэтычнай магчымасці непасрэдна перадаваць на адлегласць інфармацыю аб нервова-псіхалагічным стане аднаго чалавека другому.

|| прым. парапсіхалагі́чны, -ая, -ае.

парапсіхо́лаг, -а, мн. -і, -аў, м.

Той, хто займаецца парапсіхалогіяй.

парасё гл. парася.

парасілавы́, -а́я, -о́е (спец.).

Які мае адносіны да ператварэння цеплавой энергіі пары² ў механічную.

Парасілавая ўстаноўка (паравы кацёл і рухавік).

парасі́цца, 1 і 2 ас. не ўжыв., -ро́сіцца; незак.

Пра свінню, вожыка, барсука: нараджаць, прыводзіць прыплод.

|| зак. апарасі́цца, -ро́сіцца.

параскалу́пваць і параскалу́пліваць, -аю, -аеш, -ае; -аны; зак., што.

Раскалупаць усё, многае.

П. ранкі.

параскарчо́ўваць, -аю, -аеш, -ае; -аны; зак., што.

Раскарчаваць усё, многае.

параскашне́ць гл. раскашнець.

параскіда́ць, -а́ю, -а́еш, -а́е; -а́ны і параскі́дваць, -аю, -аеш, -ае; -аны; зак., каго-што.

Раскідаць усё, многае або ўсіх, многіх.

П. адзенне.

парасклада́ць, -а́ю, -а́еш, -а́е; -а́ны і параскла́дваць, -аю, -аеш, -ае; -аны; зак., што.

Раскласці, разлажыць усё, многае.

П. паперы на стале.