Verbum

павыкру́чваць, -аю, -аеш, -ае; -аны; зак., што.

Выкруціць усё, многае або што-н. у многіх месцах.

П. шрубы.

П. бялізну.

П. дзіркі.

павыкрэ́сліваць, -аю, -аеш, -ае; -аны; зак., каго-што.

Выкрасліць у многіх месцах, усё або ўсіх, многіх.

П. са спісаў тых, хто не ўдзельнічаў.

павыла́зіць, 1 і 2 ас. адз. не ўжыв., -зіць; -зім, -зіце, -зяць; зак.

Вылезці — пра ўсіх, многіх або пра ўсё, многае.

Бярозкі і хвойкі павылазілі з зямлі.

Валасы павылазілі з-пад шапкі.

павыліва́ць, -а́ю, -а́еш, -а́е; -а́ны; зак., што.

Выліць усё, многае ці што-н. з многіх пасудзін.

П. ваду з вёдраў.

павылі́чваць, -аю, -аеш, -ае; -аны; зак., што.

Вылічыць усё, многае.

П. працэнты.

П. запазычанасць.

павыло́мліваць і павыло́мваць, -аю, -аеш, -ае; -аны; зак., што.

Выламаць што-н. у многіх месцах або ўсё, многае.

П. дзверы.

павыло́ўліваць, -аю, -аеш, -ае; -аны; зак., каго-што.

Вылавіць усіх, многіх або ўсё, многае.

П. рыбу.

П. бярвенне з ракі.

павылу́шчваць, -аю, -аеш, -ае; -аны; зак., што.

Вылушчыць усё, многае.

П. фасолю са стручкоў.

павылята́ць, 1 і 2 ас. адз. не ўжыв., -а́е; -а́ем, -а́еце, -а́юць; зак.

Вылецець — пра ўсіх, многіх або ўсё, многае.

Птушкі павыляталі са сваіх гнёздаў.

Ад выбуху павыляталі шыбы.

павыма́звацца, 1 і 2 ас. адз. не ўжыв., -аецца; -аемся, -аецеся, -аюцца; зак.

Вымазацца, запэцкацца — пра ўсіх, многіх або ўсё, многае.

Дзеці павымазваліся глінай.