Verbum

паперапі́сваць, -аю, -аеш, -ае; -аны; зак., што.

Перапісаць усё, многае або ўсіх, многіх.

П. усіх прысутных.

папераплыва́ць, 1 і 2 ас. адз. не ўжыв., -а́е; -а́ем, -а́еце, -а́юць; зак., што, цераз што і без дап.

Пераплысці — пра ўсіх, многіх.

Усе папераплывалі раку.

папераплята́ць, -а́ю, -а́еш, -а́е; -а́ны; зак., што.

Пераплесці усё, многае.

П. часопісы.

паперараза́ць, -а́ю, -а́еш, -а́е; -а́ны і паперарэ́зваць, -аю, -аеш, -ае; -аны; зак., каго-што.

Перарэзаць усё, многае або ўсіх, многіх.

папераса́джваць, -аю, -аеш, -ае; -аны; зак., каго-што.

Перасадзіць усіх, многіх або ўсё, многае.

паперасу́шваць, -аю, -аеш, -ае; -аны; зак., што.

Перасушыць усё, многае.

П. бялізну.

паперачы́тваць, -аю, -аеш, -ае; зак., што.

Перачытаць усё, многае.

П. праграмныя творы.

паперашыва́ць, -а́ю, -а́еш, -а́е; -а́ны; зак., што.

Перашыць усё, многае.

П. гузікі.

папе́рка, -і, ДМ -рцы, мн. -і, -рак, ж.

1. гл. папера.

2. Лісток паперы (у 1 знач.).

3. Папяровы грашовы знак (разм.).

папе́рці, -пру́, -прэ́ш, -прэ́; -про́м, -праце́, -пру́ць; -пёр, -пе́рла; -пры́; зак. (разм.).

1. Пачаць перці.

2. каго (што). Выгнаць, груба прагнаць.

Лайдака паперлі з работы.