падушы́цца, 1 і 2 ас. адз. не ўжыв., -у́шыцца; -у́шымся, -у́шыцеся, -у́шацца; зак.
1. (1 і 2 ас. не ўжыв.). Стаць падушаным, памятым.
Ягады ў кошыку падушыліся.
2. Задыхнуцца — пра ўсіх, многіх (разм.).
Мы там ледзь не падушыліся ад дыму.
падушы́ць¹, -ушу́, -у́шыш, -у́шыць; -у́шаны; зак.
1. каго. Задушыць усіх, многіх.
П. усіх мух.
2. што. Раздушыць, памяць.
П. многа ягад.
3. каго-што. Душыць некаторы час.
падушы́ць², -ушу́, -у́шыш, -у́шыць; -у́шаны; зак., каго-што.
Апырскаць троху духамі.
П. насоўку.
|| звар. падушы́цца, -ушу́ся, -у́шышся, -у́шыцца.
падфарбава́ць, -бу́ю, -бу́еш, -бу́е; -бу́й; -бава́ны; зак., каго-што.
Злёгку пафарбаваць.
П. губы.
|| незак. падфарбо́ўваць, -аю, -аеш, -ае.
|| звар. падфарбава́цца, -бу́юся, -бу́ешся, -бу́ецца; -бу́йся; незак. падфарбо́ўвацца, -аюся, -аешся, -аецца.
|| наз. падфарбо́ўка, -і, ДМ -ўцы, ж. і падфарбо́ўванне, -я, н.
падфа́рнік, -а, мн. -і, -аў, м.
Невялікі дапаможны ліхтар каля пярэдняга крыла на аўтамашыне.
падфастрыгава́ць, -гу́ю, -гу́еш, -гу́е; -гу́й; -гава́ны; зак., што.
Падшыць рэдкімі шыўкамі.
П. прыпол сукенкі.
|| незак. падфастрыго́ўваць, -аю, -аеш, -ае.
падхалі́м, -а, мн. -ы, -аў, м.
Нізкі, подлы ліслівец, які запабягае перад кім-н., каб дамагчыся свайго.
|| ж. падхалі́мка, -і, ДМ -мцы, мн. -і, -мак.
|| прым. падхалі́мскі, -ая, -ае.
падхаліма́ж, -у, м. (разм.).
Паводзіны падхаліма.
падхалі́мнічаць, -аю, -аеш, -ае; незак. (разм.).
Паводзіць сябе як падхалім.
|| наз. падхалі́мства, -а, н. і падхалі́мнічанне, -я, н.
падхапі́ць, -хаплю́, -хо́піш, -хо́піць; -хо́плены; зак.
1. каго-што. Падтрымаць, падняць, трымаючы знізу, схапіць (злавіць тое, што падае).
П. сумку.
П. саслабелую старую.
Імклівая вада падхапіла човен.
2. каго-што. Рэзкім, паспешлівым рухам узяць, прыхапіць мімаходам.
Хлопец падхапіў дзяўчыну і закружыўся ў танцы.
3. перан., што. Адразу або нечакана атрымаць, схапіць, захварэць (разм.).
П. запаленне лёгкіх.
4. перан., што. Скарыстаўшы што-н. зробленае, пушчанае ў ход іншым, прадоўжыць пачатае другім (разм.).
П. чужую ідэю.
5. што. Пачаць падпяваць.
Весела п. песню.
6. перан., што. Падтрымаць, расшыраючы і паглыбляючы якое-н. дасягненне.
П. пачын.
|| незак. падхо́пліваць, -аю, -аеш, -ае.