Verbum

паўпі́сваць, -аю, -аеш, -ае; -аны; зак., каго-што.

Упісаць усіх, многіх або ўсё, многае.

П. прапушчаныя словы.

паўправаднікі́, -о́ў, адз. паўправадні́к, -а́, м. (спец.).

Рэчывы, электраправоднасць якіх пры хатняй тэмпературы меншая, чым у металаў і большая, чым у дыэлектрыкаў.

|| прым. паўправадніко́вы, -ая, -ае.

Паўправадніковая ўстаноўка (на паўправадніках).

паўпусты́ня, -і, мн. -і, -ты́нь, ж.

Геаграфічная зона, якая з’яўляецца пераходнай паміж пустыняй і стэпам.

|| прым. паўпусты́нны, -ая, -ае.

паўрадко́ўе, -я, мн. -і, -яў, н. (спец.).

Адна з дзвюх частак вершаванага радка, раздзеленага паўзай (цэзурай).

паўраста́ць, 1 і 2 ас. не ўжыв., -а́е; зак.

Урасці — пра ўсё, многае.

Паўрасталі зеллем печышчы.

паўрубе́ль, -бля́, мн. -блі́, -блёў, м.

Руская манета вартасцю 50 капеек.

|| прым. паўрублёвы, -ая, -ае.

паўрублёўка, -і, ДМ -ўцы, мн. -і, -лёвак, ж. (разм.).

Руская манета вартасцю паўрубля.

паўсагну́ты, -ая, -ае.

Сагнуты напалавіну, прыгнуты.

Замерці ў паўсагнутым становішчы.

паўска́кваць, 1 і 2 ас. адз. не ўжыв., -ае; -аем, -аеце, -аюць; зак.

Ускочыць — пра ўсіх, многіх ці пра ўсё, многае.

П. з месцаў.

На вадзе паўскаквалі бурбалкі.

паўскіда́ць, -а́ю, -а́еш, -а́е; -а́ны і паўскі́дваць, -аю, -аеш, -ае; -аны; зак.

Ускінуць усё, многае.

П. каменне на падводу.