судзі́ць, суджу́, су́дзіш, су́дзіць; су́джаны; незак.
1. аб кім-чым, пра каго-што, па кім-чым і без дап. Рабіць вывад адносна каго-, чаго-н.; меркаваць пра каго-, што-н., думаць, разважаць.
С. аб літаратуры.
С. пра каго-н. па рабоце.
2. каго-што. Разглядаць чыю-н. справу ў судовым парадку, а таксама ў таварыскім судзе.
С. злодзея.
3. каго-што, пра каго-што. Ацэньваць каго-, што-н., ганіць, дакараць у чым-н.
За добрую справу не судзяць.
4. каго-што і без дап. У спартыўных спаборніцтвах: сачыць за выкананнем правіл гульні і вырашаць спрэчныя пытанні.
С. футбольны матч.
5. (таксама зак.), што каму або без дап. Прадвызначаць (-ачыць) (пра што-н. непрадбачанае, што не залежыць ад волі чалавека).
Не судзіў лёс яму больш пажыць і зрабіць.
6. судзі́(це) (звычайна са словамі «сам», «самі»), Ужыв. ў знач.: рашай (це).
Судзі сам, як далей паступіць.
судкі́, -о́ў.
Прыстасаванне для пераноскі ежы ў выглядзе некалькіх каструль, пастаўленых адна на адну і змацаваных агульнай ручкай.
Абед у судках.
|| прым. судко́вы, -ая, -ае.
су́дна¹, -а, мн. -ы, -аў, н.
Плавальнае збудаванне, прызначанае для транспартных, тэхнічных, навуковых і ваенных мэт.
Марское с.
Гандлёвае с.
|| прым. су́днавы, -ая, -ае.
С. рухавік.
су́дна², -а, мн. -ы, -аў, м.
Пасудзіна для спаражнення, якая даецца ляжачым хворым.
|| прым. су́днавы, -ая, -ае.
судна...
Першая састаўная частка складаных слоў са знач.: які мае адносіны да суднаў¹, плывучых сродкаў, напр.: суднаабарачэнне, суднаадпраўшчык, суднабудаўнік, суднабудаўнічы, суднавадзіцель, судназборачны, судназборшчык, суднамеханік, суднапад’ёмны, суднапрамысловы, суднапрапускнік, суднапрапускны, суднарадыст, суднарамонт, суднарамонтны.
суднабудава́нне, -я, н.
Тэорыя і практыка будаўніцтва суднаў¹.
|| прым. суднабудаўні́чы, -ая, -ае.
суднаваджэ́нне, -я, н.
Майстэрства ваджэння суднаў¹ пэўным курсам, а таксама сукупнасць адпаведных навуковых дысцыплін, звязаных з суднаваджэннем.
|| прым. суднавадзі́цельскі, -ая, -ае.
суднавадзі́цель, -я, мн. -і, -яў, м.
Спецыяліст па ваджэнні суднаў¹.
|| прым. суднавадзі́цельскі, -ая, -ае.
суднаве́рф, -і, мн. -і, -ей, ж.
Суднабудаўнічая верф.
|| прым. суднаве́рфавы, -ая, -ае.