вываро́чваць гл. вывернуць.
вы́варыць, -ру, -рыш, -рыць; -раны; зак., што.
1. Здабыць што-н. пры дапамозе кіпячэння, выварвання.
В. соль з марской вады.
2. Варкай давесці да патрэбнай ступені гатоўнасці або пераварыць (у 2 знач.).
В. мяса.
3. Кіпячэннем ачысціць ад чаго-н.
В. бялізну.
вы́вастрыць, -ру, -рыш, -рыць; -раны; зак., што.
Добра навастрыць, зрабіць вострым.
В. нож.
|| незак. выво́стрываць, -аю, -аеш, -ае.
вы́ведаць, -аю, -аеш, -ае; -аны; зак., што.
Разведаць што-н. такое, што трымаецца ў тайне.
В. тайны.
В. чые-н. намеры.
|| незак. выве́дваць, -аю, -аеш, -ае.
вы́везці, -зу, -зеш, -зе; -вез, -зла; -зі; зак., каго-што.
1. Везучы, аддаліць, адправіць куды-н., за межы чаго-н.
В. бярвенне з лесу.
В. дзяцей за горад.
2. (1 і 2 ас. не ўжыв.). Выручыць, дапамагчы выбрацца з цяжкага становішча (разм.).
Вывез шчаслівы выпадак.
|| незак. выво́зіць, -во́жу, -во́зіш, -во́зіць.
|| наз. вы́ваз, -у, м. (да 1 знач.) і вы́вазка, -і, ДМ -зцы, ж. (да 1 знач.).
|| прым. вывазны́, -а́я, -о́е (паводле 1 знач.).
вы́вергнуты, -ая, -ае.
Пра горныя пароды: якія ўтварыліся ў выніку дзеяння вулканічных сіл.
Вывергнутыя горныя пароды.
вы́вергнуцца, 1 і 2 ас. не ўжыв., -нецца; зак. (кніжн.).
Вырвацца, выйсці знутры чаго-н.
Вывергнуўся агонь з вулкана.
|| незак. вывярга́цца, -а́ецца.
|| наз. вывяржэ́нне, -я, н.
вы́вергнуць, -ну, -неш, -не; -ні; -нуты; зак., што (кніжн.).
Выштурхнуць з сябе.
Вулкан вывергнуў лаву.
|| незак. вывярга́ць, -а́ю, -а́еш, -а́е.
|| наз. вывяржэ́нне, -я, н.
вы́вернуцца, -нуся, -нешся, -нецца; -ніся; зак.
1. (1 і 2 ас. не ўжыв.). Раскалываўшыся, выпасці, упасці.
Ад моцнага ветру вывернулася дрэва.
2. (1 і 2 ас. не ўжыв.). Вывіхнуцца (разм.).
Рука вывернулася ў плячы.
3. (1 і 2 ас. не ўжыв.). Перавярнуцца ўнутраным бокам наверх.
Вывернуліся рукавы кашулі.
4. Спрытным рухам, паваротам выслізнуць, вызваліцца, абмінуць перашкоду.
В. з рук праціўніка.
5. перан. Выйсці з цяжкага становішча (разм.).
В. з бяды.
|| незак. вываро́чвацца, -аюся, -аешся, -аецца.
вы́вернуць, -ну, -неш, -не; -ні; -нуты; зак.
1. што з чаго. Варочаючы, выняць, выцягнуць.
В. пень з коранем.
2. што. Надаць неўласцівы паварот, вывіхнуць (разм.).
В. нагу.
3. каго-што з чаго. Валячы, перакульваючы, выдаліць адкуль-н. (разм.).
В. вядро вады.
В. седака з калёс.
4. што. Перавярнуць унутраным бокам наверх.
В. кішэні.
В. навалачку.
|| незак. вываро́чваць, -аю, -аеш, -ае.