узарва́цца, -ву́ся, -ве́шся, -ве́цца; -вёмся, -вяце́ся, -ву́цца; -ві́ся; зак.
1. (1 і 2 ас. не ўжыв.). Разбурыцца ад узрыву.
Граната ўзарвалася.
2. (1 і 2 ас. не ўжыв.), перан. Парушыцца (пра цішыню і пад.).
Цішыня ўзарвалася.
Зала ўзарвалася ад апладысментаў.
3. перан. Не стрымаць свайго абурэння, вельмі раззлавацца (разм.).
Ён цярпеў-цярпеў і ўзарваўся.
|| незак. узрыва́цца, -а́юся, -ае́шся, -а́ецца.
узарва́ць, -ву́, -ве́ш, -ве́; -вём, -вяце́, -ву́ць; -ві́; -ва́ны; зак.
1. што. Разбурыць выбухам.
У. пераправу.
2. што. Узадраць, парушыць цэласць чаго-н.
У. падлогу.
3. перан., што. Парушыць чым-н. спакой, цішыню і пад.
Гром апладысментаў узарваў цішыню.
4. перан., каго (што); пераважна безас. Абурыць, раззлаваць (разм.).
Гэта несправядлівасць узарвала яго.
Ад яго слоў мяне ўзарвала.
|| незак. узрыва́ць, -а́ю, -а́еш, -а́е (да 1—3 знач.).
узасо́с, У выразе: цалавацца ўзасос (разм.) — цалавацца вельмі моцна, не адрываючыся.
узаткну́ць, -ну́, -не́ш, -не́; -нём, -няце́, -ну́ць; -ні́; -ну́ты; зак. (разм.).
1. каго-што. Насадзіць на што-н. вострае.
2. што. Наспех абуць, усунуць.
У. боты на босыя ногі.
|| незак. устыка́ць, -а́ю, -а́еш, -а́е.
узаця́жку, У выразе: курыць узацяжку — курыць зацягваючыся, удыхаючы ў сябе дым.
узбагаці́цца, -гачу́ся, -гаці́шся, -гаці́цца; -гаці́мся, -гаціце́ся, -гаця́цца; зак.
1. Стаць багатым, разбагацець (разм.).
2. перан. Папоўніцца чым-н., стаць больш багатым па саставе, змесце і пад.
Бібліятэка ўзбагацілася новымі выданнямі.
У. вопытам.
|| незак. узбагача́цца, -а́юся, -а́ешся, -а́ецца.
|| наз. узбагачэ́нне, -я, н.
узбагаці́ць, -гачу́, -гаці́ш, -гаці́ць; -гаці́м, -гаціце́, -гаця́ць; -га́чаны; зак., каго-што.
1. Зрабіць багатым, заможным.
2. перан. Зрабіць больш багатым, разнастайным па саставе, змесце і пад.
У. сваю памяць.
|| незак. узбагача́ць, -а́ю, -а́еш, -а́е.
|| наз. узбагачэ́нне, -я, н.
узбадзёрыцца, -руся, -рышся, -рыцца; зак.
Стаць, зрабіцца бадзёрым, падбадзёрыцца.
|| незак. узбадзёрвацца, -аюся, -аешся, -аецца.
узбадзёрыць, -ру, -рыш, -рыць; -раны; зак., каго (што).
Выклікаць бадзёры настрой, прыліў энергіі, падбадзёрыць.
Яго словы мяне ўзбадзёрылі.
|| незак. узбадзёрваць, -аю, -аеш, -ае.
узбаламу́ціць гл. баламуціць.