Verbum

захла́міць, -млю, -міш, -міць; -млены; зак., што.

Зрабіць захламленым.

Увесь пакой захламіў.

|| незак. захламля́ць, -я́ю, -я́еш, -я́е і захла́мліваць, -аю, -аеш, -ае.

захла́млены, -ая, -ае.

Застаўлены, завалены хламам, непатрэбнымі рэчамі і пад.

З. калідор.

|| наз. захла́мленасць, -і, ж.

захліпну́цца, -ну́ся, -не́шся, -не́цца; -нёмся, -няце́ся, -ну́цца; -ні́ся; зак.

1. Міжвольна спыніць, затрымаць дыханне, папярхнуцца або памерці ад папаўшага ў рот імклівага струменю паветра, дыму і пад.

З. паветрам.

Атака ворага захліпнулася (перан.: пацярпела няўдачу).

2. Адчуць цяжкасць, перабоі ў дыханні (ад якога-н. моцнага пачуцця, смеху, плачу і пад.).

З. ад радасці.

З. ад смеху.

|| незак. захліпа́цца, -а́юся, -а́ешся, -а́ецца.

захлорафармава́ць гл. хлорафармаваць.

захлыну́цца, -ну́ся, -не́шся, -не́цца; -нёмся, -няце́ся, -ну́цца; -ні́ся; зак.

1. Задыхнуцца ад вады.

З. ў час купання.

2. перан. Перастаць дзейнічаць.

Кулямёт захлынуўся.

Атака праціўніка захлынулася.

захлю́пацца, -аюся, -аешся, -аецца; зак. (разм.).

Пакрыцца пырскамі чаго-н.

З. граззю.

захма́рыцца, -ыцца; асаб. і безас.; зак.

Зрабіцца хмарным.

Неба захмарылася.

К вечару захмарылася.

|| незак. захма́рвацца, -аецца.

захмяле́лы, -ая, -ае.

Які захмялеў, ап’янелы.

Захмялелая кампанія.

захмяле́ць гл. хмялець.

захо́д, -у, М -дзе, мн. -ы, -аў, м.

1. гл. зайсці.

2. Прыём.

З другога заходу.

Перанесці цыбулю за тры заходы.