Verbum

акварэлі́ст

(ад акварэль)

мастак, які піша акварэллю.

акварэ́ль

(іт. acquarella, ад лац. aqua = вада)

1) фарба, якая разбаўляецца вадой;

2) карціна, Малюнак, напісаныя такімі фарбамі.

аквато́рыя

[ад аква- + (тэры)торыя]

участак воднай паверхні ў моры або порце.

акваты́нта

(іт. acquatinta)

від гравюры, атрыманы шляхам траўлення кіслатой пакрытай тонкім слоем асфальту або каніфолі металічнай плацінкі, на якую іголкай нанесены малюнак.

акваты́пія

(ад аква- + -тыпія)

друкаванне малюнкаў вадзянымі (абястлушчанымі) фарбамі.

аквафо́рта

(іт. acquaforte)

тое, што і афорт.

акведу́к

(лац. aquaeductus)

збудаванне ў выглядзе моста для правядзення водаправодных труб праз глыбокі яр, раку, чыгунку.

аквізі́тар

(лац. acquisitor = набытчык)

агент транспартных або страхавых арганізацый, у абавязкі якога ўваходзіць залучэнне новых грузаў або страхаванняў.

аквізі́цыя

(лац. acquisitio)

1) залучэнне новых кліентаў, грузаў, страхаванняў аквізітарам;

2) скупка акцыянерам (групай акцыянераў) усіх акцый прадпрыемства, што азначае куплю гэтага прадпрыемства.

аквіле́гія

(н.-лац. aquilegia, ад лац. aqua = вада)

травяністая расліна сям. казяльцовых з буйнымі сінімі або фіялетавымі кветкамі, пашыраная ва ўмераных зонах; ворлікі.