Verbum

вы́сахнуць гл. сохнуць.

вы́сачыць, -чу, -чыш, -чыць; -чаны; зак., каго-што.

Сочачы, адшукаць, раскрыць.

В. шпіёна.

|| незак. высо́чваць, -аю, -аеш, -ае.

высачэ́зны, -ая, -ае (разм.).

Вельмі высокі (у 1 знач.).

В. пад’ёмны кран.

вы́сватаць гл. сватаць.

вы́светліцца, 1 і 2 ас. не ўжыв., -ліцца; зак.

Стаць ясным, зразумелым.

Справа высветлілася.

|| незак. высвятля́цца, -я́ецца.

вы́светліць, -лю, -ліш, -ліць; -лены; зак., што.

Зрабіць ясным, зразумелым; выясніць.

В. становішча.

|| незак. высвятля́ць, -я́ю, -я́еш, -я́е.

вы́свеціць, -ечу, -еціш, -еціць; -ечаны; зак., каго-што.

Ярка вылучыць святлом што-н.

В. фарамі дарогу.

вы́свідраваць, -рую, -руеш, -руе, -руй; -раваны; зак., што.

Свідруючы, зрабіць дзірку, паглыбленне.

В. дзірку.

|| незак. высвідро́ўваць, -аю, -аеш, -ае.

высві́стваць, -аю, -аеш, -ае; незак.

Свішчучы, выконваць.

В. мелодыю.

вы́седзець, -джу, -дзіш, -дзіць; -джаны; зак.

1. без дап. Прасядзець, прабыць дзе-н. пэўны час.

В. пры хворым цэлыя суткі.

2. каго. Вывесці птушанят, седзячы на яйках.

В. куранят.

3. перан., што. Дасягнуць чаго-н. доўгім сядзеннем (разм., жарт.).

В. дысертацыю.

|| незак. высе́джваць, -аю, -аеш, -ае.