такела́ж, -у, м. (спец.).
1. Сукупнасць усіх снасцей судна.
2. Сукупнасць прыстасаванняў (тросаў, ланцугоў і пад.) для пад’ёму і перамяшчэння грузаў.
Т. пад’ёмнага крана.
|| прым. такела́жны, -ая, -ае.
Такелажнае абсталяванне.
Такелажныя работы.
такела́жнік, -а, мн. -і, -аў, м.
Такелажны рабочы; спецыяліст па такелажных работах.
такі́¹, -а́я, -о́е, займ.
1. указ. Менавіта гэты, падобны да гэтага або да таго, пра які гаварылася раней ці гаворыцца далей.
Такая цёплая зіма ў нас упершыню.
Т. падручнік нам і патрэбны.
2. азнач. Ужыв. для ўзмацнення ступені якасці, уласцівасці.
Ён т. прыгожы.
Т. звонкі голас.
3. у знач. наз. тако́е, -о́га, н. Нешта, што звяртае на сябе ўвагу: смешнае, незвычайнае, страшнае і пад.
Што я такое сказаў?
такі́-сякі́, така́я-сяка́я, тако́е-сяко́е, займ. азнач. (разм.).
Ужыв. як жартоўнае ацэначнае слова ў знач.: нягодны, нікчэмны, нядобры.
Ах, ты, т.!
такі́-та, така́я-та, тако́е-та.
1. займ. неазнач. Ужыв. замест дакладнай назвы асобы, прыкметы, не названых па той ці інш. прычыне.
Трэба адзначыць, што на сходзе адсутнічалі такія-та.
2. часц. Ужыв. для выражэння дакору, іроніі і пад. (разм.).
Рубель згубіў.
Такая-та бяда.
тако́ўскі, -ая, -ае (разм.).
Які заслугоўвае ўвагі, пахвалы або неадабрэння; асаблівы.
Т. кірмаш.
Не на такоўскага напаў.
та́кса¹, -ы, мн. -ы, такс і -аў, ж.
Устаноўленая расцэнка тавараў або норма аплаты чаго-н.
Атрымаў плату па таксе.
та́кса², -ы, мн. -ы, такс і -аў, ж.
Невялікі гладкашэрсны сабака з крывымі кароткімі нагамі і доўгім тулавам.
таксава́ць, -су́ю, -су́еш, -су́е; -су́й; -сава́ны; зак. і незак., што (спец.).
Устанавіць (устанаўліваць) расцэнку на што-н., таксу¹; вылічыць (вылічаць) плату за што-н.
|| наз. такса́цыя, -і, ж. і таксіро́ўка, -і, ДМ -ро́ўцы, ж.