Verbum

танкаску́ры, -ая, -ае.

3 тонкай скурай, лупінай.

Танкаскурыя апельсіны.

|| наз. танкаску́расць, -і, ж.

танкасло́йны, -ая, -ае.

3 тонкім слоем, слаямі.

Танкаслойнае пакрыццё.

|| наз. танкасло́йнасць, -і, ж.

танкаство́лы, -ая, -ае.

3 тонкім ствалом.

Танкастволая сасна.

танкаство́льны, -ая, -ае.

Які мае тонкі ствол (пра зброю).

танкастру́нны, -ая, -ае.

3 тонкімі струнамі.

танкасце́нны, -ая, -ае.

3 тонкімі сценамі, сценкамі.

Т. дом.

Танкасценная пасудзіна.

танкашы́і, -яя, -яе.

3 тонкай шыяй.

танкашэ́рсны, -ая, -ае.

3 тонкай шэрсцю; зроблены з тонкай шэрсці.

Танкашэрсная авечка.

Танкашэрсная тканіна.

|| наз. танкашэ́рснасць, -і, ж.

та́нкер, -а, мн. -ы, -аў, м.

Судна для перавозкі вадкіх грузаў у танках².

|| прым. та́нкерны, -ая, -ае.

танке́тка¹, -і, ДМ -тцы, мн. -і, -так, ж.

Лёгкая браніраваная гусенічная баявая машына, прызначаная для разведкі і сувязі.