размагні́ціцца, -ні́чуся, -ні́цішся, -ні́ціцца; зак.
1. (1 і 2 ас. не ўжыв.). Пазбавіцца магнітных уласцівасцей.
Сталь размагніцілася.
2. перан. Пра чалавека: пазбавіцца сабранасці, стаць бязвольным, бяздзейным (разм.).
|| незак. размагні́чвацца, -аюся, -аешся, -аецца.
размажджэ́рыць, -ру, -рыш, -рыць; -раны; зак., што (разм.).
Моцна ўдарыўшы, раздрабіць.
Р. галаву.
|| незак. размажджэ́рваць, -аю, -аеш, -ае.
разма́зацца, 1 і 2 ас. не ўжыв., -ма́жацца; зак.
Распаўсюдзіцца па ўсёй паверхні (пра тое, што мажа, фарбуе).
Фарба размазалася па паперы.
|| незак. разма́звацца, -аецца.
разма́заць, -ма́жу, -ма́жаш, -ма́жа; -ма́ж; -ма́заны; зак., што.
1. Разнесці, расцерці па якой-н. паверхні, мажучы, пэцкаючы яе.
Р. гразь па падлозе.
2. перан. і без дап. 3 лішнімі падрабязнасцямі, адступленнямі расказаць, апісаць што-н. (разм.).
|| незак. разма́зваць, -аю, -аеш, -ае.
размазня́, -і́, ж. (разм.).
1. Рэдкая каша.
Кармілі нас нейкай размазнёй.
2. м. і ж. Аб вялым, нерашучым, слабавольным чалавеку (неадабр.).
Не хлопец, а р.
размака́ць гл. размокнуць.
размалаці́ць, -лачу́, -ло́ціш, -ло́ціць; -ло́чаны; зак., што (разм.).
Разбіць, разламаць.
Р. акно.
размало́ць, -мялю́, -ме́леш, -ме́ле; -мялі́; -мо́латы; зак., што.
Расцерці на муку, парашок.
Р. зерне.
|| незак. размо́лваць, -аю, -аеш, -ае.
|| наз. размо́л, -у, м. і размо́лванне, -я, н.
|| прым. размо́льны, -ая, -ае.
размалява́ць, -лю́ю, -лю́еш, -лю́е; -лю́й; -лява́ны; зак., каго-што.
1. Пакрыць рознымі, звычайна каляровымі фарбамі.
Р. талерку.
2. перан. Нарабіць сінякоў каму-н. (разм.).
Размалявалі твар у бойцы.
3. перан. Паказаць у прыхарошаным выглядзе, перабольшыць значэнне чаго-н.
Ён умеў р. самую звычайную гісторыю.
|| незак. размалёўваць, -аю, -аеш, -ае.
|| наз. размалёўванне, -я, н. і размалёўка, -і, ДМ -лёўцы, ж.
размаро́зіць, -ро́жу, -ро́зіш, -ро́зіць; -ро́жаны; зак., каго-што.
1. Вывесці з замарожанага стану, даць магчымасць адтаць чаму-н.
Р. халадзільнік.
2. перан. Зноў пусціць у абарот, у эксплуатацыю (сродкі, запасы сыравіны і пад.).
Р. крэдыты.
|| незак. размаро́жваць, -аю, -аеш, -ае.