Verbum

сенеша́ль

(фр. sénéchal)

1) кіраўнік палацавай гаспадаркі ў франкскай дзяржаве;

2) службовая асоба ў феадальнай Францыі, якая загадвала юстыцыяй і ваеннымі справамі акругі.

сені́льны

(лац. senilis)

мед. старэчы (напр. с. псіхоз).

сенпо́лія

(н.-лац. saintpaulia)

травяністая расліна сям. геснерыевых з разеткамі сакавітага апушанага круглага лісця і белымі, ружовымі, фіялетавымі або сінімі кветкамі ў суквеццях, пашыраная ў горных лясах трапічнай Афрыкі; на Беларусі вырошчваецца як дэкаратыўная; узумбарская фіялка.

сенса́цыя

(фр. sensation, ад лац. sensus = пачуццё, адчуванне)

1) моцнае ўражанне ад якой-н. падзеі, паведамлення;

2) з’ява, паведамленне, якое выклікае ўсеагульную цікавасць, узбуджэнне.

сенсі́бельны

(лац. sensibilis = адчувальны)

які ўспрымаецца пры дапамозе пачуццяў.

сенсібілізава́ць

(ад лац. sensibilis = адчувальны)

рабіць сенсібілізацыю (фатаграфічных матэрыялаў).

сенсібіліза́тар

(фр. sensibilisateur)

рэчыва, якое павялічвае святлоадчувальнасць кіно-, фотаплёнак, фатаграфічных пласцінак да святла пэўных колераў.

сенсібіліза́цыя

(фр. sensibilisation, ад лац. sensibilis = адчувальны)

1) павышэнне адчувальнасці арганізмаў, іх клетак і тканак да ўздзеяння якіх-н. рэчываў, ляжыць у аснове шэрагу алергічных захворванняў (параўн. талерантнасць 2);

2) павелічэнне адчувальнасці кіна- і фотаплёнак, фатаграфічных пласцінак да некаторых каляровых прамянёў.

сенсі́лы

(лац. sensilis = які адчувае)

чуллівыя ўтварэнні, якія выконваюць у беспазваночных ролю органаў дотыку, смаку, нюху.

сенсімані́зм

[ад фр. C. SaintSimon = прозвішча фр. мысліцеля (1760—1825)]

канцэпцыя утапічнага сацыялізму, высунутая Сен-Сімонам.