со́тавы², -ая, -ае.
Які мае адносіны да аднаго з тыпаў бесправадной тэлефоннай сувязі.
Сотавая тэлефонная сувязь.
С. тэлефон.
со́тка, -і, ДМ -тцы, мн. -і, -так, ж. (разм.).
1. Адзінка зямельнай плошчы, роўная адной сотай частцы гектара.
Прысядзібны ўчастак займае 10 сотак (10 сотых га).
2. Мера вадкасці, роўная адной сотай вядра, а таксама бутэлька такой ёмістасці (уст.).
На стале стаяла с. гарэлкі.
3. Назва чаго-н., абазначанага лічбай 100 (разм.).
Чакаць на прыпынку сотку.
|| прым. со́ткавы, -ая, -ае.
со́тня, -і, мн. -і, со́цень і со́тняў, ж.
1. Сто якіх-н. адзінак (прадметаў, рублёў і пад.).
Дзве сотні кніг.
Заплаціць не адну сотню за мэблю.
2. мн. Трэцяя ад канца лічба шматзначнага ліку.
3. звычайна мн. (со́тні, -яў), разм. Вялікая колькасць, мноства каго-, чаго-н.
Сотні студэнтаў.
4. Вайсковае падраздзяленне, якое першапачаткова складалася са ста чалавек.
Стралецкая с.
Казацкая с. (падраздзяленне, якое адпавядае эскадрону).
|| памянш. со́ценька, -і, ДМ -ньцы, мн. -і, -нек, ж. (да 1 знач.; разм.).
|| прым. со́ценны, -ая, -ае (да 1 і 4 знач.).
С. білет.
Соценная вага (вага, на якой прадмет, што ўзважваецца, ураўнаважваецца ў сто разоў лягчэйшай гірай; спец.).
со́ты¹, -аў.
Ячэйкі з воску, якія робяць пчолы і восы для захоўвання мёду і адкладвання яец.
Мядовыя с.
|| прым. со́тавы, -ая, -ае.
С. мёд (які знаходзіцца ў сотах).
со́ты², -ая, -ае.
1. гл. сто.
2. Які атрымліваецца пры дзяленні на сто.
Сотая частка.
3. у знач. наз. со́тая, -ай, ж. Сотая частка чаго-н.
Дзве сотыя.