шырока... (а таксама шырака...).
Першая частка складаных слоў у знач. шырокі, напр.: шырокавядомы, шырокагабарытны, шырокаўжывальны.
шырокавяшча́льны, -ая, -ае (кніжн.).
Які многа абяцае, прыцягвае многімі абяцаннямі.
Шырокавяшчальныя прамовы.
|| наз. шырокавяшча́льнасць, -і, ж.
шырокакале́йны, -ая, -ае.
Які мае шырокую чыгуначную каляю.
шырокаэкра́нны, -ая, -ае.
Які мае адносіны да кінафільмаў з павялічаным полем зроку і гукаперадачай, якія набліжаюць успрыняцце да рэальнага.
Ш. фільм.
Шырокаэкраннае кіно.
шыро́кі, -ая, -ае.
1. Вялікі ў папярочніку.
Шырокая вуліца.
Шырока (прысл.) раскрыць вочы (таксама перан.: здзівіцца).
2. Пра адзенне: прасторны.
Куртка шырокая ў плячах.
3. Які займае сабой вялікую прастору, мае вялікую працягласць.
Шырокія стэпы.
Наступаць шырокім фронтам.
4. Размашысты, свабодны.
Ш. крок.
Ш. жэст (перан.: пра высакародны ўчынак са знешняга боку).
5. перан. Вялікі па колькасці, ступені, ахопу, размаху і пад., масавы.
Шырокая сетка школ.
Шырокія паўнамоцтвы.
Тавары шырокага ўжытку.
6. перан. Вялікі, неабмежаваны, разнастайны на выбар.
Шырокая начытанасць.
Шырокая праграма навуковых даследаванняў.
У шырокім сэнсе слова (у самым агульным разуменні).
7. перан. Не абмежаваны ў праяўленні, выяўленні чаго-н., з размахам.
◊
Жыць на шырокую нагу — багата, раскошна.
Шырокая натура — пра шчодрага, адкрытага, таварыскага чалавека.
|| наз. шырыня́, -і, ж. (да 3—7 знач.) і шыро́касць, -і, ж. (да 7 знач.).
шырспажы́ў, -жы́ву, м. (разм.).
Прамысловыя тавары шырокага ўжытку.
Вытворчасць шырспажыву.
|| прым. шырспажыве́цкі, -ая, -ае.
шыры́нка, -і, ДМ -нцы, мн. -і, -нак, ж.
Разрэз у пярэдняй частцы штаноў; прарэх.
Зашпіліць шырынку.
|| прым. шыры́начны, -ая, -ае і шыры́нкавы, -ая, -ае.
шырыня́, -і, ж.
1. гл. шырокі.
2. Працягласць чаго-н. у папярочніку, а таксама (разм.) вялікі абшар, шыр.
Ш. ракі.
Матэрыял шырынёй у адзін метр.
Вакол ш. і прастор.
шы́рыцца, 1 і 2 ас. не ўжыв., -рыцца; незак.
Станавіцца больш шырокім, павялічвацца, развівацца.
Узараная паласа шырылася.
Шырыцца рух прыхільнікаў міру.