смара́гд, -у, М -дзе, м.
Тое, што і ізумруд.
|| прым. смара́гдавы, -ая, -ае.
Смарагдавая брошка.
смаржо́к, -жка́, мн. -жкі́, -жко́ў, м.
Веснавы грыб на кароткай ножцы і з шапкай, паверхня якой маршчыністая, у звілістых складках.
|| прым. смаржко́вы, -ая, -ае (да 1 знач.).
смарка́цца, -а́юся, -а́ешся, -а́ецца; незак.
Рэзкім выдыхам ачышчаць нос ад слізі.
|| зак. вы́смаркацца, -аюся, -аешся, -аецца.
|| аднакр. смаркану́цца, -ну́ся, -не́шся, -не́цца; -нёмся, -няце́ся, -ну́цца; -ні́ся.
смарка́ць, -а́ю, -а́еш, -а́е; незак., што і без дап.
Тое, што і смаркацца.
С. нос.
|| зак. вы́смаркаць, -аю, -аеш, -ае; -аны.
смарка́ч, -а́, мн. -ы́, -о́ў, м.
1. мн. Слізь, якая выцякае з носа.
Вытры смаркачы!
С. пад носам вісіць.
2. перан. Пра дзіця, а таксама пра маладога нявопытнага ў справах чалавека (разм., зневаж.).
|| ж. смарка́чка, -і, ДМ -чцы, мн. -і, -чак (да 3 знач.).
смачне́ць, 1 і 2 ас. не ўжыв., -е́е; незак.
Станавіцца больш смачным.
сма́чны, -ая, -ае.
1. Прыемны на смак (у 2 знач.); апетытны.
Смачныя яблыкі.
Смачная мачанка.
2. перан. Які прыносіць задавальненне; прыемны.
С. сон.
Смачныя перспектывы.
3. перан. Сакавіты, каларытны.
С. выраз.
|| наз. сма́чнасць, -і, ж.
сме́ла, прысл.
1. гл. смелы.
2. 3 лёгкасцю, без перашкоды, без цяжкасці (разм.).
Сюды с. ўлезе дзесяць тон сена.
3. Упэўнена, несумненна.
З такім дакладам с. можна выступаць на сходзе.
сме́ласць, -і, ж.
1. гл. смелы.
2. Смелыя паводзіны, адвага, рашучасць.
Не ў кожнага хопіць смеласці сказаць праўду.