Verbum

набрахаць, ✂; зак. (разм. пагард.).

1. Нагаварыць многа ўсялякай лухты.

   • Набрахаў сем карабоў.

2. Узвесці паклёп на каго-н.

   • Гэта ён набрахаў паліцаям пра партызан.

набрацца, ✂; зак.

1. Сабрацца ў нейкай колькасці.

   • Набралася поўная хата людзей.

2. чаго. Знайсці ў сабе ўнутраныя сілы, магчымасці.

   • Н. смеласці.

3. звычайна безас. Напоўніцца чым-н.

   • Набралася вады.

4. чаго. Нацярпецца, перажыць, адчуць.

   • Н. гора.

5. чаго. Набыць, атрымаць нешта (звычайна непрыемнае).

   • Н. каросты.

6. чаго. Пераняць, навучыцца чаму-н.

   • Н. вопыту.

7. чаго. Запасціся, назапасіць (іншы раз з адмоўем “не”; разм.).

   • Грошай не н.

8. чаго і без дапаўнення. Напіцца гарэлкі, віна (разм.).

   • Ды ты ўжо недзе набраўся.

|| незак. набірацца, ✂.

набраць, ✂; зак.

1. што і чаго. Узяць, назбіраць нейкую колькасць каго-, чаго-н. або, збіраючы, скласці.

   • Н. кніг у бібліятэцы.
   • Н. вады ў вёдры.
   • Н. кош грыбоў.
   • Н. рабочых.
   • Н. букет васількоў.

2. Скласці з друкарскіх літар тэкст або набраць яго пры дапамозе камп’ютэра.

   • Н. заўвагу петытам.

3. Саставіць з некалькіх лічбаў, знакаў, асобных частак.

   • Н. нумар тэлефона.

4. што і чаго. Дасягнуць якой-н. ступені ў сваім развіцці, руху і г.д.

   • Самалёт набраў вышыню.
   • Н. хуткасць.

5. што і чаго. Атрымаць у выніку спаборніцтва, экзаменаў і пад.

   • Н. дзесяць балаў.

6. чаго. Купіць якой-н. матэрыі.

   • Н. паркалю на сукенку.

◊

• Набраць сабе ў галаву (разм.) — хваравіта думаць пра што-н.

|| незак. набіраць, ✂.

|| наз. набіранне, ✂.

|| наз. набор, ✂.

• Здаць кнігу ў н.
• Н. у ліцэй.
• Н. вышыні.

набрудзіць, ✂; зак.

Напэцкаць, насмеціць, нанесці бруду.

набрыдзь, ✂, ж., зб. (пагард. абл.).

Зброд, свалата.

• Ачышчаецца ад набрыдзі планета.

набрынялы, ✂.

1. Які ад вільгаці разбух, набрак, набрыняў.

2. Гатовы распусціцца (пра пупышкі на дрэвах).

   • Пупышкі на вярбе набрынялі.

набрыняць, ✂; зак.

1. Павялічыцца ў аб’ёме ад вільгаці.

   • Дзверы набрынялі.
   • Зямля набрыняла.

2. Быць гатовым распусціцца (пра пупышкі на дрэвах).

   • Пупышкі на вярбе ўжо набрынялі.

3. Апухнуць, ацячы.

   • Ногі набрынялі.

набрысці, ✂; зак.

1. на каго-што і без дапаўнення. Ідучы, выпадкова на каго-, што-н. наткнуцца, натрапіць, убачыць каго-, што-н.

   • Н. на леснічоўку.

2. безас. Прыйсці ў нейкай колькасці (разм.).

   • Набрыло нямала разявак.

набудаваць, ✂; зак.

Пабудаваць у вялікай колькасці.

• Н. спартыўных пляцовак.

|| незак. набудоўваць, ✂.

набурчацца, ✂; зак. (разм.).

Уволю пабурчаць.