Verbum

штось², прысл.

Невядома чаму, невядома з якой прычыны, чамусьці, штосьці².

Ш. сёння сваволіць сэрца.

што́сьці¹, чаго́сьці, чаму́сьці, што́сьці, чы́мсьці, па чы́мсьці, займ. неазнач.

Нейкі, невядома які прадмет (з’ява, рэч), нешта.

Ш. непрыемнае.

Стукаць па чымсьці драўляным.

што́сьці², прысл.

Невядома чаму, чамусьці.

Ш. не спіцца.

Ш. холадна.

штоты́дзень, прысл.

Кожны тыдзень, на кожным тыдні.

Ездзіць на дачу ш.

штотыднёвік, -а, мн. -і, -аў, м.

Выданне, якое выходзіць раз на тыдзень.

Ш. «Літаратура і мастацтва».

штотыднёвы, -ая, -ае.

Які бывае кожны тыдзень, раз у тыдзень.

Штотыднёвая газета.

штоф¹, -а, мн. -ы, -аў, м.

Старая руская мера вадкасці (звычайна віна, гарэлкі), роўная 1,23 л, а таксама бутля такой ёмістасці.

|| прым. што́фны, -ая, -ае.

штоф², -у, м.

Шчыльная дэкаратыўная шарсцяная або шаўковая тканіна для абіўкі мэблі, для парцьер і пад.

|| прым. што́фны, -ая, -ае.

Штофная канапа.

штохвілі́нны, -ая, -ае.

Які бывае кожную хвіліну, надзвычай часта, бесперапынна.

Штохвілінныя сігналы.

Штохвілінна (прысл.) пазіраць у акно.

|| наз. штохвілі́ннасць, -і, ж.

штохвілі́ны, прысл.

Кожную хвіліну, вельмі часта; з кожнай хвілінай.

Вецер ш. мацнеў.